ବ୍ରହ୍ମପୁର: ୨ ଲୁଟେରାଙ୍କ ସହ ୫ ଗିରଫ,୧୪ଟି ସୁନାହାର ଜବତ

ବ୍ରହ୍ମପୁର: ଗଞ୍ଜାମ ଜିଲ୍ଲା କେ.ନୂଆଗାଁ, ବ୍ରହ୍ମପୁର ଓ ସଦର ଥାନା ଅଞ୍ଚଳରେ ବିଭିନ୍ନ ସମୟରେ ହୋଇଥିବା ୧୪ଟି ସୁନା ଅଳଙ୍କାର ଚୋରି ମାମଲାରେ ପୋଲିସ ୨ଜଣ ଅଭିଯୁକ୍ତଙ୍କ ସମେତ ୫ଜଣଙ୍କୁ ଗିରଫ କରିଛି।ଅଭିଯୁକ୍ତଙ୍କଠାରୁ ୧୪ଟି ସୁନା ହାର ସହ ଗୋଟିଏ ବ୍ରେସଲେଟ୍, ନେକଲେସ୍, ଦୁଇଟି ସୁନା ମୁଦି ଓ କିଛି ତରଳା ସୁନା ଜବତ କରାଯାଇଛି। ଏହାସହ ଅଭିଯୁକ୍ତମାନେ ବ୍ୟବହାର କରୁଥିବା ୩ଟି ମୋଟର ସାଇକେଲ୍ ଓ ଗୋଟିଏ ଖେଳଣା ପିସ୍ତଲକୁ ମଧ୍ୟ ପୋଳିସ୍ ଜବତ କରିଛି।  ଗିରଫ ଅନ୍ୟ ତିନି ଜଣ ସେମାନଙ୍କୁ ଅଳଙ୍କାରଗୁଡ଼ିକୁ ତରଳାଇବାରେ ସହଯୋଗ କରିଥିବା ପୋଲିସ୍ ସୂଚନା ଦେଇଛି।