କଟକ: ଡି’ ବ୍ରଦର୍ସଙ୍କ ସହ ବ୍ୟବସାୟିକ ସମ୍ପର୍କ ରଖିଥିବା ଅଭିଯୋଗରେ କଟକର କୁଖ୍ୟାତ ଅପରାଧୀ ଯୁଗ ପ୍ରକାଶ କାନୁନଗୋକୁ ଆଜି ପୋଲିସ ଗିରଫ କରିଛି। ଏହାସହ ତାଙ୍କ ଘରୁ ବନ୍ଧୁକ, ଡାଏରୀ, କାର ସହ ବିଭିନ୍ନ ମାରଣାସ୍ତ୍ର ମଧ୍ୟ ଜବତ କରାଯାଇଛି। ସେହିପରି ମାଲଗୋଦାମ ଡାଲି ବ୍ୟବସାୟୀ ଶେଖ ଫାରୁକ ମାମଲାର ପୁଣି ଥରେ ତଦନ୍ତ ହେବ ବୋଲି ପୋଲିସ କମିଶନର କହିଛନ୍ତି। ସେହିପରି ଦୁଇଭାଙ୍କ ସହ ଲିଙ୍କ ଅଭିଯୋଗରେ ପୋଲିସ କଟକର ପ୍ରମୋଦ ପାତ୍ର ଓରଫ ଭୂଆଁକୁ ଘରୁ ଉଠାଇ ନେଇ ପଚରାଉଚରା କରୁଛି।
ସେହିପରି ଡାଲି ବ୍ୟବସାୟୀ ଶେଖ ଫାରୁକଙ୍କ ହତ୍ୟା ମାମଲାର ପୁଣି ଥରେ ତଦନ୍ତ ହେବ ବୋଲି ପୋଲିସ କମିଶନର ସୂଚନା ଦେଇଛନ୍ତି। ୨୦୧୪ ନଭେମ୍ବରରେ ଫାରୁକଙ୍କୁ ହତ୍ୟା କରାଯାଇଥିଲା। ତେବେ ଏହି ଘଟଣା ପଛରେ ଡି’ ବ୍ରଦର୍ସଙ୍କ ହାତ ଥାଇପାରେ ବୋଲି ତାଙ୍କ ପତ୍ନୀ ସନ୍ଦେହ କରିଥିଲେ।
ସେହିପରି କମିଶନରେଟ ପୋଲିସ ପ୍ରମୋଦ ପାତ୍ର ଓରଫ ଭୂଆଁକୁ ଉଠାଇ ନେଇ ଚାଉଳିଆଗଞ୍ଜ ଥାନାରେ ପଚରାଉଚରା କରୁଛି। ଶଙ୍କରପୁରସ୍ଥିତ ତା’ ଘରେ ଚଢାଉ ବେଳେ ପୋଲିସ ୭୨ ଲକ୍ଷ ଟଙ୍କା ଜବତ କରିଛି। ଖୋଦ୍ ଡିସିପି ଚଢାଉରେ ସାମିଲ ହୋଇଛନ୍ତି। ସେହିପରି ୨୦ ଜଣ ଅଫିସର ଓ ୨ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି।
ଶଙ୍କରପୁର-ବାଦାମବାଡ଼ି ପୂଜା କମିଟି ସଭାପତି ଥିବା ଭୂଆଁ ନାଁରେ ପୂର୍ବରୁ ହତ୍ୟା, ହତ୍ୟା ଉଦ୍ୟମ, ଦାଦାବଟି ଆଦାୟ, ଗୁଳି ଓ ବୋମାମାଡ଼ ଭଳି ବହୁ ସଙ୍ଗୀନ ଅଭିଯୋଗ ରହିଛି।