ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁରର ଗୋରୁମହିଷାଣୀ ଲୁହାଖଣିର ମ୍ୟାନେଜର ହରେନ୍ଦ୍ର ନାଥ ଦାସଙ୍କୁ ବନ ବିଭାଗ ଗିରଫ କରିଛି। ୨୦୧୪ ମସିହାରେ ଏକ ମାମଲାରେ ଭିତ୍ତିରେ ହରେନ୍ଦ୍ରଙ୍କୁ ବନ ବିଭାଗ ଗିରଫ କରିଛି।
ଗୋରୁମହିଷାଣୀ ଲୁହାଖଣିର ମ୍ୟାନେଜର ହରେନ୍ଦ୍ର ନାଥ ଓ ମାଲିକ ଜଗଦୀଶ ମିଶ୍ରଙ୍କ ନାଁରେ ବେଆଇନ ଲୁହା ପଥର ଉତ୍ତୋଳନ ଓ ରପ୍ତାନୀ ଓ ସଂରକ୍ଷିତ ଜଙ୍ଗଲ ଅଞ୍ଚଳରେ ବେଆଇନ ଉତ୍ତୋଳନ ନେଇ ମାମଲା ଥିଲା। ଏହି ମାମଲାରେ ଉଭୟ ଫେରାର ଥିଲେ।
ରାଇରଙ୍ଗପୁର ରେଞ୍ଜ ଅଫିସର ଅଶୋକ କୁମାର ଦାଶ,“୨୦୧୪ ଅଗଷ୍ଟ ୨୦ ତାରିଖରେ ବେଆଇନ ଖଣି କାରବାର ଅଭିଯୋଗରେ ହରେନ୍ଦ୍ର ନାଥ ଏବଂ ଜଗଦୀଶ ମିଶ୍ରଙ୍କ ନାଁରେ ମାମଲା ରୁଜୁ ହୋଇଥିଲା। ସେବେଠାରୁ ଉଭୟ ଫେରାର ଥିଲେ। ହରେନ୍ଦ୍ରଙ୍କୁ ଗିରଫ କରାଯାଇଛି।”