ନୟାଗଡ: ଜିଲ୍ଲା ଓ ଦୌରାଜଜଙ୍କ କୋର୍ଟରେ ହାଜର ହେଲେ ମାଓନେତା ସବ୍ୟସାଚୀ ଏବଂ ଆଜାଦ୍

ନୟାଗଡ଼: ନୟାଗଡ଼ ମାଓ ଆକ୍ରମଣ ଘଟଣାରେ କ୍ରାଇମବ୍ରାଞ୍ଚ ପକ୍ଷରୁ ଟପ୍ ମାଓ ନେତା ସବ୍ୟସାଚୀ ପଣ୍ଡା ଏବଂ ଆଜାଦକୁ ଆଜି ଜିଲ୍ଲା ଓ ଦୌରାଜଜଙ୍କ କୋର୍ଟରେ ହାଜର କରାଯାଇଥିଲା। ସବ୍ୟସାଚୀଙ୍କ ନାମରେ ଥିବା ନୟାଗଡ଼ ଥାନା ଆକ୍ରମଣ, ଅସ୍ତ୍ରାଗାର ଲୁଟ୍, ପିଟିଏସ ଆକ୍ରମଣ, ମହିପୁର ଫାଣ୍ଡି ଓ ନୂଆଗାଁ ଥାନା ଆକ୍ରମଣ ଆଦି ମାମଲାର ଚାର୍ଜ ଫ୍ରେମ କରାଯାଇଛି। ଏହି ମାମଲାଗୁଡ଼ିକର ଶୁଣାଣି ନଭେମ୍ୱର ୨୪ ତାରିଖରେ ହେବ। ଦଶପଲ୍ଲା ଆକ୍ରମଣ ଘଟଣାରେ ସବ୍ୟସାଚୀଙ୍କ ୨ଟି କେସ୍ ଚାର୍ଜଫ୍ରେମ ହୋଇପାରିନାହିଁ। ସେହିପରି ଆଜାଦଙ୍କୁ ଦଶପଲ୍ଲା ଆକ୍ରମଣ ଘଟଣାରେ ୪ଟି କେସରେ ଚାର୍ଜଫ୍ରେମ ପାଇଁ ହାଜର କରାଯାଇଥିଲା। ଆଜାଦ ପକ୍ଷରୁ ପିଟିସନ ଦାୟର କରାଯିବାରୁ ଚାର୍ଜଫ୍ରେମ ହୋଇପାରିନାହିଁ।