ଭବାନୀପାଟଣା: କଳାହାଣ୍ଡି ଜିଲ୍ଲା ମଧୁପୁର ଗାଁରେ ଜଣେ ନାବାଳିକାଙ୍କୁ ପୋଡ଼ି ହତ୍ୟା ଉଦ୍ୟମ ଘଟଣାର କ୍ରାଇମବ୍ରାଞ୍ଚ ତଦନ୍ତ ଆଜିଠୁ ଆରମ୍ଭ ହୋଇଯାଇଛି। କ୍ରାଇମବ୍ରାଞ୍ଚର ଏକ ଚାରି ଜଣିଆ ଟିମ୍ ଆଜି ନର୍ଲା ଆସି ତଦନ୍ତ କରୁଛନ୍ତି।
ଏହି ଘଟଣାରେ ନର୍ଲା ପୋଲିସ୍ ୬ ଜଣଙ୍କୁ ଗିରଫ କରିଛି। ମୁଖ୍ୟ ଦୁଇ ଅଭିଯୁକ୍ତଙ୍କ ମଧ୍ୟରୁ ଜଣେ ନାବାଳକଙ୍କ ହୋଇଥିବାରୁ ତାକୁ ଜୁଭେନାଇଲ୍ ଜେଲ୍କୁ ପଠାଇ ଦିଆଯାଇଥିବା ବେଳେ ଅନ୍ୟ ୫ ଜଣଙ୍କୁ ଜେଲ୍ ହାଜତକୁ ପଠାଇ ଦିଆଯାଇଛି।
ଅନ୍ୟପକ୍ଷରେ ଜୀବନ ସହିତ ସଂଗ୍ରାମ କରୁଥିବା ଝିଅଟିକୁ ରାଉରକେଲା ଆଇଜିଏଚ୍ରେ ଚିକିତ୍ସା କରାଯାଉଛି।
ଗତ ୧୧ ତାରିଖରେ ସେହି ଗାଁର ବୁଲୁ ଦାସ ଓ ତା’ର ଜଣେ ସାଙ୍ଗ ଝିଅଟିକୁ କମେଣ୍ଟ୍ ମାରିଥିଲେ। ଏହାକୁ ବିରୋଧ କରିବାରୁ ସେମାନେ ନାବାଳିକାର ପରିବାରକୁ ଗାଳିଗୁଲଜ କରିଥିଲେ। ସନ୍ଧ୍ୟାରେ ଘରେ କେହି ନ ଥିବା ବେଳେ ସେମାନେ ଝିଅଟି ଦେହରେ କିରୋସିନ ଢାଳି ନିଆଁ ଲଗାଇ ଦେଇଥିଲେ ବୋଲି ଅଭିଯୋଗ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
