କନ୍ଧମାଳ: କନ୍ଧମାଳ ଜିଲ୍ଲା ୩ ଟି ଥାନା ଅଞ୍ଚଳରେ ପୋଲିସ ଚଢ଼ାଉ କରି ୬ କ୍ୱିଣ୍ଟାଲରୁ ଅଧିକ ଗଞ୍ଜେଇ ଜବତ କରିବା ସହିତ ୯ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏହାଛଡ଼ା ପୋଲିସ ଦୁଇଟି ଅଟୋ ଓ ଗୋଟିଏ ବାଇକ ଜବତ କରିଛି।
ସଦର ଥାନା ପୋଲିସ କସାକାଠି ଛକରୁ ୫୦ କିଲୋ ଗଞ୍ଜେଇ ଓ ଗୋଟିଏ ଅଟୋ ଜବତ କରିଥିଲା। ଏହି ଘଟଣାରେ ୨ ଜଣଙ୍କୁ ଗିରଫ କରିଥିଲା। ସେହିପରି ବାଲିଗୁଡା ଥାନା ପୋଲିସ କମ୍ବିରିକିଆ ଗ୍ରାମରେ ଚଢ଼ାଉ କରି ୧୯ କିଲୋ ଗଞ୍ଜେଇ ଜବତ କରିବା ସହିତ ଦୁଇ ଜଣଙ୍କୁ ଗିରଫ କରିଛି।
ଗତକାଲି ଫିରିଙ୍ଗିଆ ଥାନା ପୋଲିସ ୩ଟି ଗଞ୍ଜେଇ ଚୋରାଚାଲାଣ ମାମଲାରେ ୫ ଜଣଙ୍କୁ ଗିରଫ କରିଛି। ସେମାନଙ୍କଠାରୁ ପ୍ରାୟ ୬ କ୍ୱିଣ୍ଟାଲରୁ ଅଧିକ ଗଞ୍ଜେଇ, ଗୋଟିଏ ଅଟୋ ଓ ଗୋଟିଏ ବାଇକ ଜବତ କରିଛି।