ମେଡିକାଲ କଲେଜରେ ଆଡମିଶନ କରାଇ ଦେବା ନାଁରେ ୬୦ଲକ୍ଷ ଟଙ୍କା ଠକେଇ ଅଭିଯୋଗ, ଜଣେ ଗିରଫ

ଭୁବନେଶ୍ୱର: ଘରୋଇ ମେଡିକାଲ କଲେଜରେ ଆଡମିଶନ କରାଇ ଦେବା ନାଁରେ ୬୦ଲକ୍ଷ ଟଙ୍କା ଠକେଇ ଅଭିଯୋଗରେ ଜଣେ ଯୁବକକୁ ଖଣ୍ଡଗିରି ପୋଲିସ ଗିରଫ କରିଛି। ସିଟ୍ ବ୍ରୋକୋରିଂ କରୁଥିବା ଗିରଫ ଯୁବକର ନାଁ ସ୍ୱରୁପ ରାଉତ। ଏହା ଏକ ସୁଚିନ୍ତିତ ରାକେଟର ଅନ୍ୟ ଦୁଇଜଣ ଏବେବି ଫେରାର ଥିବା ପୋଲିସ ସୂଚନା ଦେଇଛି। ଏମାନେ ଦୁଇଜଣ ଅଭିଭାବକଙ୍କଠାରୁ କୋଟା ସିଟରେ ଆଡମିଶନ କରାଇବା ପାଇଁ ୬୦ ଲକ୍ଷ ଟଙ୍କା ଅଗ୍ରୀମ ଆକାରରେ ନେଇଥିଲେ। ପରବର୍ତ୍ତି ପର୍ଯ୍ୟାୟରେ ଆଡମିଶନ ନ ହୋଇପାରିବାରୁ ଅଭିବାବକମାନେ ଏନେଇ ଖଣ୍ଡଗିରିଥାନାରେ ସିଟ୍ ବ୍ରୋକରିଂ କରୁଥିବା ସ୍ୱରୁପ ବିରୋଧରେ ମାମଲା ରୁଜୁ କରିଥିଲେ। ପୋଲିସ ସ୍ୱରୁପକୁ ଗିରଫ କରି କୋର୍ଟ ଚାଲାଣ କରିଛି। ଦୀର୍ଘ ଦୁଇ ବର୍ଷ ହେଲା ସେ ଏହି କାରବାର କରି ଆସୁଥିବାବେଳେ, ମେଡିକାଲ ସିଟ ବାବଦରେ ଲକ୍ଷ ଲକ୍ଷ ଟଙ୍କା ପାଇଥାଏ ବୋଲି ପ୍ରକାଶ କରିଛି। ଏନେଇ ସଂପୃକ୍ତ ଘରୋଇ କଲେଜ ମ୍ୟାନେଜମେଣ୍ଟ ମାଧ୍ୟମରେ ସେ ଏହି କାରବାର କରୁଥିବା ସ୍ୱରୁପ ପ୍ରକାଶ କରିଛି। କେବଳ ଓଡିଶା ନୁହେଁ, ରାଜ୍ୟ ବାହାରୁ ଛାତ୍ର, ଛାତ୍ରୀ କମ୍ ରାଙ୍କ୍ ରଖି ମଧ୍ୟ ମେଡିକାଲ ଆଡମିଶନ କରିଥିବା ସେ କହିଛି।