ଭୁବନେଶ୍ୱର: ଭୁବନେଶ୍ୱର ସାଲିଆ ସାହିର ଈଶାକ ଦିଗଲ ମାମଲାରେ ନୟାପଲ୍ଲୀ ଥାନା ଏଏସ୍ଆଇ ଏନ.ସି ସ୍ୱାଇଁ ନିଲମ୍ବିତ ହୋଇଛନ୍ତି। ସେହିପରି ଆଇଆଇସି ସୂର୍ଯ୍ୟମଣି ପ୍ରଧାନଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି। ଏପଟେ ପୁଅ ଜୀବିତ କିମ୍ବା ମୃତ୍ୟୁ ସେନେଇ ପରିବାର ଲୋକେ ଅନ୍ଧାନରରେ ଅଛନ୍ତି।
ଗତ ୫ ତାରିଖରେ ସାଲିଆସାହିର ପବିତ୍ର ଦିଗଲଙ୍କ ପୁଅ ଈଶାକ୍ ଦୁର୍ଘଟଣାର ଶିକାର ହୋଇଥିଲା। ଖବର ପାଇ ନୂଆପଲ୍ଲୀ ଥାନା ପିସିଆର ଈଶାକୁ ଉଦ୍ଧାର କରି କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଥିଲା। ଅବସ୍ଥା ଗୁରୁତର ହେବାରୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିଲା।
ଘଟଣା ଘଟିବାର ପରଦିନ ଈଶାକଙ୍କ ପରିବାର ଲୋକେ ପୁଅ ନିଖୋଜ ଥିବା ନେଇ ନୟାପଲ୍ଲୀ ଥାନାରେ ଏତଲା ଦେଇଥିଲେ। ମାତ୍ର ପୋଲିସ ପୂର୍ବଦିନ ଦୁର୍ଘଟଣା ସମ୍ପର୍କରେ ଏହି ପରିବାରକୁ ଆଦୌ ସୂଚନା ଦେଇନଥିବା ଅଭିଯୋଗ ହୋଇଛି। ଖାଲି ସେତିକି ନୁହେଁ, କଟକରେ ଈଶାକର ମୃତ୍ୟୁ ପରେ ପରିବାର ଲୋକଙ୍କ ଅଜ୍ଞାତରେ ତା’ର ଶବ ମଧ୍ୟ ସତ୍କାର ହୋଇଥିବା ଅଭିଯୋଗ ହୋଇଛି। ଏନେଇ ପରିବାର ଲୋକେ ଥାନା ଘେରାଉ କରିବା ସହ ମାନବାଧିକାର କମିଶନରେ ମଧ୍ୟ ଦ୍ୱାରସ୍ଥ ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
