ରାଉରକେଲା: ନାବାଳକକୁ ଅପହରଣ ପରେ ହତ୍ୟା, ୨ ଗିରଫ

ରାଉରକେଲା: ଛାତ୍ରକୁ ଅପହରଣ ପରେ ହତ୍ୟା ଘଟଣାକୁ ନେଇ ରାଜଗାଙ୍ଗପୁରରେ ଉତ୍ତେଜନା ଦେଖାଦେଇଛି। ଗତ ୧୫ ତାରିଖରେ ସହରର କପଡ଼ା ବ୍ୟବସାୟୀ ମୋହନଲାଲ ଧାନାନିଆଙ୍କ ପୁଅ ଅମନଙ୍କୁ କେହି ଅପହରଣ କରିନେଇଥିବା ଥାନାରେ ଅଭିଯୋଗ ହୋଇଥିଲା। ତେବେ ୨୦ ତାରିଖରେ କାଂସବାହାଲ ପୋଲିସ ରାମଲତା ଜଙ୍ଗଲରୁ ଜଣେ ନାବାଳକର ମୃତଦେହ ଉଦ୍ଧାର କରିଥିଲା। ପରେ ମୃତଦେହଟି ଅପହୃତ ଅମନର ବୋଲି ପରିବାର ଲୋକେ ସୂଚନା ପାଇ ରାଜଗାଙ୍ଗପୁର ପୋଲିସକୁ ଜଣାଇଥିଲେ। ପୋଲିସ ଏହି ମାମଲାରେ ଆଜି ଦୁଇଜଣ ନାବାଳକଙ୍କୁ ଗିରଫ କରିଛି। ସେମାନଙ୍କଠାରୁ ଗୋଟିଏ ପିସ୍ତଲ ଜବତ କରାଯାଇଛି। ଅଭିଯୁକ୍ତମାନେ ଅର୍ଥ ପାଇଁ ଅମନଙ୍କୁ ହତ୍ୟା କରିଥିବା ପୋଲିସ ଅନୁମାନ କରୁଛି। ପୋଲିସ ଅଭିଯୁକ୍ତଙ୍କୁ ପଚରାଉଚାର ସହ ଘଟଣା ସହ ଆଉ କିଏ ସଂପୃକ୍ତ ଅଛନ୍ତି ସେ ନେଇ ତନାଘନା ଜାରି ରଖିଛି।