ଭୁବନେଶ୍ୱର: ଗ୍ରୀନ୍ରେ ଇଣ୍ଟରନ୍ୟାସନାଲ ଚିଟ୍ଫଣ୍ଡ ଠକେଇ ମାମଲାରେ ଗିରଫ କମ୍ପାନୀର ନିର୍ଦ୍ଦେଶକ ମୀର୍ ସାହାରୁଦ୍ଦିନଙ୍କୁ ପୁଣି ୩ ଦିନ ରିମାଣ୍ଡରେ ନେଇଛି ସିବିଆଇ। ସାହାରୁଦ୍ଦିନଙ୍କୁ ୬ ଦିନ ରିମାଣ୍ଡରେ ନେବାକୁ ସିବିଆଇ କୋର୍ଟରେ ଆବେଦନ କରିଥିଲା। ଏହାର ବିଚାର କରି କୋର୍ଟ ୩ ଦିନ ରିମାଣ୍ଡରେ ନେବାକୁ ଅନୁମତି ଦେଇଛନ୍ତି।
ଏହି ସମୟରେ ସାହାରୁଦ୍ଦିନଙ୍କ ରାଜ୍ୟ ଓ ରାଜ୍ୟ ବାହାର ଲିଙ୍କ ନେଇ ସିବିଆଇ ଖୋଲତାଡ଼ କରିବ। ଏହାସହ ଗୋଲଡ, ମାଇନ୍ସ, ଗାରମେଣ୍ଟ ବିଜନେସ୍, ପଲିଟିକାଲ ଲିଙ୍କ ଓ ମିଡିଲମ୍ୟାନ ନେଇ ଅଧିକ ପଚରାଉଚରା କରାଯିବ।
ପୂର୍ବରୁ ସିବିଆଇ ସାହାରୁଦ୍ଦିନଙ୍କୁ ୬ ଦିନ ରିମାଣ୍ଡରେ ନେଇଥିଲା। ଆଜି ରିମାଣ୍ଡ ଅବଧି ସରିବା ପରେ ସାହାରୁଦ୍ଦିନଙ୍କୁ କୋର୍ଟରେ ହାଜର କରାଯାଇଥିଲା।