ଉଲିବୁରୁ ଖଣି ଦୁର୍ନୀତି ମାମଲା: ସମସ୍ତ ୨୬ ଅଭିଯୁକ୍ତଙ୍କୁ ହାଜର ପାଇଁ କୋର୍ଟଙ୍କ ନିର୍ଦ୍ଦେଶ

କେନ୍ଦୁଝର: ଉଲିବୁରୁ ଖଣି ମହାଦୁର୍ନୀତି ମାମଲାର ସମସ୍ତ ୨୬ ଜଣ ଅଭିଯୁକ୍ତଙ୍କୁ ହାଜର ହେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। କେନ୍ଦୁଝର ସ୍ୱତନ୍ତ୍ର ଭିଜିଲାନ୍ସ କୋର୍ଟ ଆଜି ଏହି ନିର୍ଦ୍ଦେଶ ଦେଇଛନ୍ତି। ମୁଖ୍ୟ ଅଭିଯୁକ୍ତ ଦୀପକ ଗୁପ୍ତା, ପୂର୍ବତନ ଖଣି ନିର୍ଦ୍ଦେଶକ ମାନସ ରଞ୍ଜନ ମହାନ୍ତି ପ୍ରମୁଖ ସମସ୍ତ ୨୬ ଜଣଙ୍କୁ ଡିସେମ୍ୱର ୨ ତାରିଖରେ କୋର୍ଟରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି। ଉଲିବୁରୁ ଖଣି ଦୁର୍ନୀତିରେ ମୋଟ୍ ୨୯ ଜଣ ଅଭିଯୁକ୍ତ ଅଛନ୍ତି। ତେବେ ସେମାନଙ୍କ ଭିତରୁ ସରକାରଙ୍କ ଅନୁମତି ପରେ ଆଜି ୩ଜଣ ସରକାରୀ କର୍ମଚାରୀଙ୍କ ନାଁରେ ଭିଜିଲାନ୍ସ ପକ୍ଷରୁ ସପ୍ଲିମେଣ୍ଟାରୀ ଚାର୍ଜସିଟ୍ ଦାଖଲ କରାଯାଇଛି। ଏହି ତିନିଜଣ ହେଲେ ଖଣି ସର୍ଭେୟର ଲଙ୍କଧର ଦାଶ, ପୂର୍ବତନ କେନ୍ଦୁଝର ଡିଏଫ୍ଓ ପ୍ରଦୀପ ରାଜ କରାଟ ଓ ପୂର୍ବତନ କେନ୍ଦୁଝର ଏସିଏଫ୍ଓ ବିମଳ ପ୍ରସନ୍ନ ଆଚାର୍ଯ୍ୟ।