କାଷ୍ଟିଂ କାଉଚ ମାମଲା: ଥାନାରେ ହାଜର ହେଲେ ରାଜେଶ ପତି

ଭୁବନେଶ୍ୱର: ଅଭିନେତ୍ରୀ ଉପାସନା ମହାନ୍ତି କାଷ୍ଟିଂ କାଉଚ ମାମଲାରେ ଫିଲ୍ମ ପ୍ରଯୋଜକ ରାଜେଶ ପତି ଆଜି ଲକ୍ଷ୍ମୀସାଗର ଥାନାରେ ହାଜର ହୋଇଥିଲେ। ଉପାସନାଙ୍କ ଅଭିଯୋଗ ଆଧାରରେ ପୋଲିସ୍‌ ରାଜେଶଙ୍କୁ ପଚରାଉଚରା କରିଥିଲା। ରାଜେଶ ପୋଲିସ୍‌ଙ୍କୁ କିଛି ତଥ୍ୟ ଦେଇଥିବା ଜଣାପଡ଼ିଛି।

ସିନେମା ନିର୍ମାଣରେ ଖଟାଇଥିବା ଟଙ୍କା ମାଗିବାରୁ ତାଙ୍କୁ କାଷ୍ଟିଂ କାଉଚ୍‌ ମାମଲାରେ ଫସାଇ ଦେବାକୁ ଧମକ ଦିଆଯାଉଥିବା ରାଜେଶ ଅଭିଯୋଗ କରିଥିଲେ। ଏହାପରେ  ଉପାସନା ରାଜେଶଙ୍କ ନାଁରେ କାଷ୍ଟିଂ କାଉଚ୍‌ ଅଭିଯୋଗ ଆଣିଥିଲେ। ଅନ୍ୟପକ୍ଷରେ ସୋସିଆଲ ମିଡିଆରେ ଦୁହିଁଙ୍କ ଅନ୍ତରଙ୍ଗ ମୁହୂର୍ତ୍ତର ଭିଜୁଆଲ ଅପଲୋଡ୍‌କରାଯିବାକୁ ନେଇ ଚର୍ଚ୍ଚା ଜୋର ଧରିଥିଲା। ଏଥିପାଇଁ ଉଭୟ ପରସ୍ପରକୁ ଦୋଷ ଦେଇଥିଲେ।