ଭଦ୍ରକ: ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଓଜନ ମାପ ବିଭାଗର ମାନୁଆଲ ଆସିଷ୍ଟାଣ୍ଡ ନବଘନ ସ୍ୱାଇଁଙ୍କ ଅଫିସ ଓ ବାସଭବନରେ ଭିଜିଲାନ୍ସ ବିଭାଗ ପକ୍ଷରୁ ଚଢାଉ କରାଯାଉଛି। ଭିଜିଲାନ୍ସ ଟିମ୍ ଏକକାଳୀନ ନବଘନଙ୍କ ଭଦ୍ରକ ସ୍ଥିତ ୩ଟି ଘର ଓ ପାରାଦୀରରେ ଥିବା ଘର ଓ ଅଫିସ୍ରେ ଚଢାଉ କରୁଛନ୍ତି। ଏନେଇ ସବିଶେଷ ତଥ୍ୟ ମିଳି ନ ଥିଲେ ମଧ୍ୟ ପ୍ରାୟ ୫୦ ଲକ୍ଷ ଟଙ୍କାର ସମ୍ପତ୍ତି ଠାବ କରାଯାଇଥିବା କୁହାଯାଉଛି।
ଭିଜିଲାନ୍ସ ଡିଏସ୍ପି ସବିତା ମାଝି ଏବଂ ଏସ୍କେ ଭୋଇଙ୍କ ନେତୃତ୍ୱରେ କୁଆଁସରେ ଥିବା ନବଘନଙ୍କ ପୈତୃକ ବାସଭବନ, ବାସୁଦେବପୁରରେ ଥିବା ଏକ କୋଠା ଓ ଚାନ୍ଦବାଲି ବ୍ଲକ ଗାରଡପୁର ସ୍ଥିତ ଶ୍ୱଶୁର ଘରେ ଚଢାଉ ଚାଲିଛି। ସେହିପରି ପାରାଦୀପଠାରେ ଥିବା ଅଫିସ ଓ ସରକାରୀ ବାସଭବନରେ ମଧ୍ୟ ଚଢାଉ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
