ବ୍ରହ୍ମପୁର: ବ୍ରହ୍ମପୁର ନିକଟ କନିଷିରେ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି। ଏଥିରେ ଟ୍ରକ୍ ଡ୍ରାଇଭରଙ୍କ ମୃତ୍ୟୁ ଘଟିଛି। ଟ୍ରକ୍ଟି ବ୍ରହ୍ମପୁରରୁ ଆନ୍ଧ୍ରପ୍ରଦେଶ ଯାଉଥିବା ବେଳେ ସମାନା ଦିଗରୁ ଆସୁଥିବା ଅନ୍ୟ ଏକ ଟ୍ରକ୍କୁ ଧକ୍କା ଦେଇଥିଲା। ଫଳରେ ଧକ୍କା ହୋଇଥିବା ଟ୍ରକ୍ଟି ଭାରସାମ୍ୟ ହରାଇ ଡିଭାଇଡର୍ ସେପଟକୁ ଖସି ପଡ଼ିଥିଲା। ଏହି ସମୟରେ ସେହି ଦିଗରୁ ଆସୁଥିବା ଅନ୍ୟ ଏକ ଟ୍ରକ୍ ପିଟି ହୋଇଥିଲା। ଘଟଣାସ୍ଥଳରେ ସଂପୃକ୍ତ ଟ୍ରକ୍ ଡ୍ରାଇଭରଙ୍କ ମୃତ୍ୟୁ ଘଟିଛି। ଘଟଣାସ୍ଥଳରେ ଗୋଳନ୍ଥରା ପୋଲିସ୍ ପହଞ୍ଚି ଦୁର୍ଘଟଣାଗ୍ରସ୍ତ ଟ୍ରକ୍କୁ କେନ୍ ସହାୟତାରେ ଉଦ୍ଧାର କରିବା ପରେ ଯାନବାହନ ଚଳାଚଳ ସ୍ୱାଭାବିକ ହୋଇଛି।