ଭଦ୍ରକ: ଚରମ୍ପା ମହାବିଦ୍ୟାଳୟର ଯୁକ୍ତ ୩ କଳା, ବିଜ୍ଞାନ ଓ ବାଣିଜ୍ୟ ବିଭାଗରେ ସିଟ୍ ସଂଖ୍ୟା ବୃଦ୍ଧି ଦାବି କରି ସୋମବାର ଛାତ୍ରଛାତ୍ରୀ ମାନେ ଅନଶନ କରିଥିଲେ। ଛାତ୍ରନେତା ସତ୍ୟ ପ୍ରକାଶ ବିଶ୍ୱାଳଙ୍କ ନେତୃତ୍ୱରେ ଛାତ୍ରଛାତ୍ରୀମାନେ କଲେଜ ପରିସରରେ ଅନଶନରେ ବସିଥିଲେ। ଦିନ ୧୧ଟାଠାରୁ ଛାତ୍ରଛାତ୍ରୀ ମାନେ ଶ୍ରେଣୀ ବର୍ଜନ କରି ଆନ୍ଦୋଳନରେ ସାମିଲ ହୋଇଥିଲେ। ଅପରାହ୍ନ ସାଢ଼େ ୫ଟାରେ କଲେଜ ଅଧ୍ୟକ୍ଷ ବିପିନ ବିହାରୀ କର, ଆଡଭାଇଜର ପ୍ରଧ୍ୟାପକ ସୌରେଶ ମହାନ୍ତି ପ୍ରମୁଖ ଆନ୍ଦୋଳନରତ ଛାତ୍ରଛାତ୍ରୀଙ୍କୁ ବୁଝାସୁଝା କରିବା ସହ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓ ଉଚ୍ଚଶିକ୍ଷା ବିଭାଗ ମନ୍ତ୍ରୀଙ୍କୁ ଅବଗତ କରାଇବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା। ଦାବି ପୂରଣ ନହେଲେ ୭ ଦିନ ପରେ ଆନ୍ଦୋଳନ କରାଯିବ ବୋଲି ଛାତ୍ରନେତା ବିଶ୍ୱରଞ୍ଜନ ମହାପାତ୍ର ହରେକୃଷ୍ଣ ବଳ, ରାଜେନ୍ଦ୍ର ଦାସ ପ୍ରମୁଖ ଚେତାବନୀ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।