ଜୟପୁର ଉପଖଣ୍ଡ ଚିକିତ୍ସାଳୟରୁ ନିଶାଦ୍ରବ୍ୟ ଜବତ

ଜୟପୁର: ଜୟପୁର ଉପଖଣ୍ଡ ଚିକିତ୍ସାଳୟ ଏକ ରୁମରୁ ନିଶାଦ୍ରବ୍ୟ ଜବତ କରାଯାଇଛି। ଶନିବାର ରାତିରେ ଉପଖଣ୍ଡ ଚିକିତ୍ସାଳୟରେ ମହିଳା ୱାର୍ଡ ନିକଟସ୍ଥ ୪ନଂ କ୍ୟାବିନରୁ ଗଞ୍ଜେଇ, ସିଗାରେଟ୍, ଖଇନି, ଭାଙ୍ଗ ସହ ତାସ ଜବତ କରିଛି ପୋଲିସ। ମିଳିଥିବା ସୂଚନା ଅନୁଯାୟୀ ଉପଖଣ୍ଡ ଚିକିତ୍ସାଳୟରେ ଜଣେ ଗର୍ଭବତୀ ମହିଳା ଗୁରୁତର ଥିବା ବେଳେ ୧୦୨ ଆମ୍ବୁଲାନସକୁ ଯୋଗାଯୋଗ କରାଯାଇଥିଲା।  ରୁମରେ କେହି ନଥିବା ବେଳେ ଭାରପ୍ରାପ୍ତ ଏସଡିଏମଓ କୌଣସି ସୁତ୍ରରୁ ଖବର ପାଇ ପୋଲିସ ସହାୟତାରେ କବାଟ ଖୋଲିଥିଲା।  କବାଟ  ଖୋଲିବା  ବେଳେ ଗଞ୍ଜେଇ, ସିଗାରେଟ୍, ଖଇନି, ଭାଙ୍ଗ  ରୁମରେ ଥିବା  ଦେଖିବାକୁ ମିଳିଥିଲା।  ନିଶାଦ୍ରବ୍ୟ ଜବତ ହୋଇଥିବା ରୁମଟି  ୧୦୮ ଓ ୧୦୨ ଆମ୍ବୁଲାନସର ଡ୍ରାଇଭର ହେଲପରଙ୍କ ସହ ଫାର୍ମାସିଷ୍ଟ ରହୁଥିଲେ। ଏପରି ଅବ୍ୟବସ୍ଥା ନେଇ ଜିଲ୍ଲା ମୁଖ୍ୟ ଚିକିତ୍ସାଅଧିକାରୀଙ୍କ ଦୃଷ୍ଟି ଆକର୍ଷଣ କରିବେ ବୋଲି ଭାରପ୍ରାପ୍ତ ଏସଡିଏମଓ କହିଛନ୍ତି।