କନ୍ଧମାଳ: ବାଲିଗୁଡା ବସ୍‌ଷ୍ଟାଣ୍ଡରୁ ୪ ଶିଶୁ ଉଦ୍ଧାର

କନ୍ଧମାଳ: କନ୍ଧମାଳ ଜିଲ୍ଲା ବାଲିଗୁଡା ବସ୍‌ଷ୍ଟାଣ୍ଡରୁ ୬ ରୁ ୯ ବୟସର ୪ ଜଣ ଶିଶୁଙ୍କୁ ମଙ୍ଗଳବାର ଚାଇଲ୍ଡ ଲାଇନ୍‌ ଉଦ୍ଧାର କରିଛି। ସେମାନଙ୍କ ମଧ୍ୟରେ ଜଣେ ନାବାଳିକା ଓ ୩ ଜଣ ନାବାଳକ ଅଛନ୍ତି। ଶିଶୁମାନେ ବସ୍‌ଷ୍ଟାଣ୍ଡରେ ଇଆଡେ ସିଆଡେ ବୁଲୁ ଥିବା ଦେଖି ସ୍ଥାନୀୟ ଲୋକେ ଚାଇଲ୍ଡ ଲାଇନ୍‌କୁ ଖବର ଦେଇଥିଲେ। ଖବର ପାଇ ଚାଇଲ୍ଡ ଲାଇନ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଉଦ୍ଧାର କରିଥିଲେ। ପିଲାମାନଙ୍କ ପରିଚୟ ମିଳିପାରି ନାହିଁ।