ନୟାଗଡ଼ା: ବର୍ତ୍ତନଗ୍ରାହୀ ଧୋବା ଓ ବାରିକମାନଙ୍କୁ ତୁରନ୍ତ ଗୋତି ଶ୍ରମିକ ମୁକ୍ତ ପ୍ରମାଣପତ୍ର ଓ ଅର୍ଥନୈତିକ ଥଇଥାନ ଦାବି କରି ଓଡ଼ିଶା ଗୋତିମୁକ୍ତି ଆନ୍ଦୋଳନର ଜିଲ୍ଲା ଶାଖା ପକ୍ଷରୁ ନୟାଗଡ଼ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। ବିକ୍ଷୋଭକାରୀମାନେ ଏନେଇ ଜିଲ୍ଲାପାଳଙ୍କୁ ଏକ ଦାବିପତ୍ର ମଧ୍ୟ ପ୍ରଦାନ କରିଛନ୍ତି।
ବର୍ତ୍ତନଗ୍ରାହୀ ଧୋବା ଓ ବାରିକମାନଙ୍କୁ ତୁରନ୍ତ ଗୋତି ଶ୍ରମିକ ମୁକ୍ତ ପ୍ରମାଣପତ୍ର ଓ ଅର୍ଥନୈତିକ ଥଇଥାନ ଦାବି କରି ନୟାଗଡ଼ ଜିଲ୍ଲାର ପ୍ରାୟ ୫୦୦ଜଣ ବର୍ତ୍ତନଗ୍ରାହୀ ଧୋବା ଓ ବାରିକ ସେମାନଙ୍କୁ ତୁରନ୍ତ ଗୋତି ଶ୍ରମିକରୁ ମୁକ୍ତ ଘୋଷଣା କରି ପ୍ରମାଣପତ୍ର ଦେବା ତଥା ଅର୍ଥନୈତିକ ଥଇଥାନ ଦାବି ସଂପର୍କରେ ଜାତୀୟ ମାନବାଧୀକାର କମିଶନଙ୍କୁ ମଧ୍ୟ ଜଣାଇଛନ୍ତି। ଜାତୀୟ ମାନବାଧିକାର କମିଶନଙ୍କ ସ୍ପେଶାଲ ରାପୋର୍ଟିଅରଙ୍କ ଦାମୋଦର ଷଡ଼ଙ୍ଗୀ ୪ ଦିନିଆ ଗସ୍ତରେ ଆସି ନୟାଗଡ଼ର ବିଭିନ୍ନ ଗାଁ ପରିଦର୍ଶନ କରିବା ସହିତ ଅଭିଯୋଗକାରୀଙ୍କ ବାସ୍ତବ ଚିତ୍ର ପରଖିଛନ୍ତି। ସେ ତାଙ୍କ ରିପୋର୍ଟ ଜାତୀୟ ମାନବାଧିକାର କମିଶନଙ୍କୁ ଦେବେ ବୋଲି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
