ନୟାଗଡ଼: ନୟାଗଡ଼ ଚାନ୍ଦପୁରରେ ସଂଗଠିତ ହତ୍ୟାକାଣ୍ଡରେ ସମ୍ପୃକ୍ତ ହତ୍ୟାକାରୀମାନଙ୍କୁ ଧରିବା ଦାବିରେ ଗତକାଲି ଏକ କ୍ୟାଣ୍ଡେଲ ଶୋଭଯାତ୍ରା କରାଯାଇଥିଲା । ୨୦୧୪ ସେପ୍ଟେମ୍ୱର ୬ ତାରିଖ ରାତିରେ ଚାନ୍ଦପୁର ଶାସ୍ତ୍ରୀନଗର କାଶୀନାଥ ପାତ୍ରଙ୍କ ବୋହୁ ଓ ନାତି ନାତୁଣି ସମେତ ୪ ଜଣଙ୍କୁ ହତ୍ୟା କରାଯାଇଥିଲା । ସେତେବେଳେ ଏହି ହତ୍ୟାକାଣ୍ଡ ସାରା ରାଜ୍ୟରେ ଚହଳ ପକାଇଥିଲା । ଏହାର ତଦନ୍ତ ଭାର କ୍ରାଇମବ୍ରାଞ୍ଚକୁ ଦିଆଯାଇଥିଲା । ହେଲେ ଆଜି ପର୍ଯ୍ୟନ୍ତ ହତ୍ୟାକରୀଙ୍କୁ ଗିରଫ କରାଯାଇପାରିନାହିଁ । ଏ ପରିସ୍ଥିତିରେ ଶୀଘ୍ର ଅଭିଯୁକ୍ତମାନଙ୍କୁ ଗିରଫ କରିବା ଦାବିରେ ଚାନ୍ଦପୁର ଶାନ୍ତି କମିଟିର ଆହ୍ୱାନ କ୍ରମେ ହତ୍ୟାକାଣ୍ଡ ସଂଗଠିତ ହୋଇଥିବା ସ୍ଥାନରୁ ଏହି ମହମବତୀ ଶୋଭାଯାତ୍ରା ବାହାରି ରାମଚଣ୍ଡୀ ମନ୍ଦିର ପାଖରେ ପହଞ୍ଚିଥିଲା । ସେଠାରେ ମୃତ ବ୍ୟକ୍ତିଙ୍କୁ ସମ୍ୱର୍ଦ୍ଧନା ଦିଆଯାଇଥିଲା। ଏହି ଶୋଭାଯାତ୍ରାରେ ବିଜେପି ନେତ୍ରୀ ସୁରମା ପାଢୀ, କଂଗ୍ରେସ ନେତା ରମାକାନ୍ତ ମିଶ୍ର ପ୍ରମୁଖ ସାମିଲ ହୋଇଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
