ନୟାଗଡ଼: ନୟାଗଡ଼ ଜିଲ୍ଲାରେ ପାଣି ସମସ୍ୟା ନେଇ ଆଜି ନୟାଗଡ଼ ମହିଳା କଂଗ୍ରେସ ପକ୍ଷରୁ ଆନ୍ଦୋଳନ କରାଯାଇଛି। ମହିଳାମାନେ ହାତରେ ମାଠିଆ ଧରି ନୟାଗଡ଼ ପିଡ଼ବ୍ଲୁଡ଼ି ବଙ୍ଗଳା ସାମନାରୁ ଆସି ସହର ପରିକ୍ରମା କରିଥିଲେ। ପରେ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ। ରାଜ୍ୟ ସରକାରଙ୍କ ବିରୁଦ୍ଧରେ ନାରା ବାଜି ଦେଇ ମହିଳାମାନେ ମାଠିଆ ଭାଙ୍ଗିଥିଲେ।
ମହିଳା କଂଗ୍ରେସ ସଭାନେତ୍ରୀ ସସ୍ମିତା ବେହେରା କହିଛନ୍ତି, “ ଓଡ଼ିଶାର ପ୍ରତ୍ୟେକ ଜିଲ୍ଲାରେ ଲୋକମାନେ ଜଳ କଷ୍ଟ ଭୋଗୁଛନ୍ତି। ବଡ଼ ଦୁଃଖର କଥା ଯେ, ମହିଳାମାନେ ମାଇଲ ମାଇଲ ଦୂର ଯାଇ ଚୁଆ ଓ ପଥର ଖନ୍ଦାରୁ ପାଣି ଆଣୁଛନ୍ତି। ସରକାର ଏହି ଦିଗରେ ଖବ୍ ଶୀଘ୍ର ପଦକ୍ଷେପ ନିଅନ୍ତୁ। ଯେଉଁ ସବୁ ଅଞ୍ଚଳରେ ନଳକୂପ ଓ କୂଅ ଗୁଡ଼ିକ ଖରାପ ହୋଇଯାଇଛି ଶୀଘ୍ର ମରାମତି କରନ୍ତୁ।”