ନିଆଳିରେ ଥମୁନି ମେଣ୍ଢା ମଡ଼କ: ଗତକାଲି ରାତିରେ ପୁଣି ଏକ ମେଣ୍ଢାକୁ ମାରିଲା ଅଜଣା ଜନ୍ତୁ

<p>ନିଆଳି: ଅଜଣା ଜନ୍ତୁକୁ ନେଇ ଏବେ ବି ନିଆଳି ଅଞ୍ଚଳରେ ଲାଗି ରହିଛି ଭୟର ବାତାବରଣ।&nbsp; ଗତକାଲି ରାତିରେ ନିଆଳି ନିକଟ ଗୋବିନ୍ଦପଦାରେ ଆଉ ଏକ ମେଣ୍ଢାର ଜୀବନ ଯାଇଛି। ଏହାର ପ୍ରତିବାଦରେ ସ୍ଥାନୀୟ ଲୋକେ ଆଜି ସକାଳେ ଟାୟାର ଜାଳି ନିଆଳି ଓ ଫୁଲନଖରା ମୁଖ୍ୟ ରାସ୍ତାକୁ ଅବରୋଧ କରିଛନ୍ତି। ଘଟଣା ସମ୍ପର୍କରେ ଅଧିକ ଅନୁସନ୍ଧାନ ପାଇଁ ସିଟି ଡିଏଫ୍&zwnj;ଓ ଓ ନନ୍ଦନକାନନ ପ୍ରାଣୀ ଉଦ୍ୟାନର ଆସିଷ୍ଟାଣ୍ଟ ଫିଲ୍ଡ ଡାଇରେକ୍ଟର ଆଜି ଘଟଣାସ୍ଥଳକୁ ଯିବେ।</p> <p>ମେଣ୍ଡାମାନଙ୍କୁ କିଏ ମାରୁଛି, ଏହାର ଚିତ୍ର ଏବେ ବି ସ୍ପଷ୍ଟ ହୋଇନାହିଁ।&nbsp; ଅଜଣା ଜନ୍ତୁକୁ ଧରିବାକୁ ପ୍ରୟାସ ଚଳାଇଛି ବନବିଭାଗ।&nbsp; ବିଭିନ୍ନ ସ୍ଥାନରେ ସିସିଟିଭି କ୍ୟାମେରା ଲଗାଇବା ସହ ସ୍ଥାନୀୟ ଲୋକଙ୍କୁ ନେଇ ପହରା ଦେଉଛି ବନ ବିଭାଗ।</p> <p>ସୂଚନାଯୋଗ୍ୟ, ଗତ କିଛି ଦିନ ହେବ ନିଆଳି ଅଞ୍ଚଳରେ ମେଣ୍ଢା ମାରି ଆତଙ୍କ ମଚାଇ ଥିବା ଜନ୍ତୁ ସମ୍ପର୍କରେ ଜଙ୍ଗଲ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ କହିଥିଲେ,&ldquo;ନିଆଳି ଅଞ୍ଚଳରେ ଆତଙ୍କ ମଚାଇଥିବା ଅଜଣା ଜୀବଟି ଏକ ରାମଶିଆଳ। ପାଦଚିହ୍ନ ଓ ମାରିବା ତରିକାରୁ ଏହା ଜଣାପଡୁଛି। ଭଁଅରାଗଡ଼ ଜଙ୍ଗଲ ପାଖରେ ଏକ ଗାତ ଚିହ୍ନଟ ହୋଇଛି। ଏହା ଉପରେ ନଜର ରଖାଯାଇଛି।&rdquo;</p>