ଚିହ୍ନିଲେ ଦେଖି ଓଲିଉଡ୍‌ର ଏ ନୂଆ ପଞ୍ଜାବୀ ହିରୋ କିଏ ?

<p>ଭୁବନେଶ୍ୱର (ଓଡିଶା ରିପୋର୍ଟର): &lt;strong&gt;ପାଠକ ଓ ଦର୍ଶକଙ୍କୁ ଆମେ ଗୋଟେ ନଂଘା ଖବର ଦେବାକୁ ଯାଉଛୁ। ଓଲିଉଡ୍&zwnj;ର ସିନେପ୍ରେମୀ ଖବରଟି ଶୁଣିଲେ ଆଶ୍ଚର୍ଯ୍ୟ ହୋଇଯିବେ। ଖବର ମିଳିଛି&lt;/strong&gt;, &lt;strong&gt;ଓଡ଼ିଆ ଫିଲ୍ମ ଇଣ୍ଡଷ୍ଟ୍ରୀକୁ ଆସିଛନ୍ତି ଜଣେ ନୂଆ ପଞ୍ଜ।ବୀ ହିରୋ। ଗୋଟେ ଫିଲ୍ମରେ ବି ତାଙ୍କୁ ଚାନ୍&zwnj;ସ ମିଳି ସାରିଲାଣି। କଥାଟା ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେଣି। ଫଟୋ ଓ ଭିଡିଓ ଦେଖିଲେ ତ ଆପଣ ଲୋଭେଇ ଯିବେ। ଓଃ! କି ଅନ୍ଦାଜ୍ !&nbsp; କି ରୂପ ! କି ଚାଲି ! କି ଷ୍ଟାଇଲ୍ !&lt;/strong&gt;</p><p>କିଏ ଏହି ପଞ୍ଜାବୀ ଟୋକା ? କ&rsquo;ଣ ତାଙ୍କ ପରିଚୟ ? ରାଉଡି ରାଠୋର ପରି ଚାଲି, ଦେଖିବାକୁ ପୁରା କ୍ୟୁଟ୍। ତାଙ୍କୁ କେହି ଭଲରେ ଚିହ୍ନି ପାରୁନାହାଁନ୍ତି, କିନ୍ତୁ ହଲ ସାମ୍ନାରେ ତାଙ୍କୁ ଦେଖିବାକୁ ଜମିଲାଣି ଭିଡ଼। (ଭିଡିଓ ଦେଖନ୍ତୁ) କେତେକ ପ୍ରଶ୍ନ କରୁଛନ୍ତି, ଭିଡ଼ ଭିତରେ ଏ ଟୋକା କିଏ? ଇଏ କ&rsquo;ଣ ଓଡ଼ିଆ ବୁଝନ୍ତି? ଏ ସରଦାର ଜଣଙ୍କ କିଏ ? କଥା କଥାକେ ଖାଲି କଲର୍ ଟେକୁଛନ୍ତି। ଲାଗୁଛି ମାର୍ ପିଟ୍ କରିବେ ବୋଧେ। ତାଙ୍କ ପାଖରେ ପୁଣି ଠିଆ ହୋଇଛନ୍ତି ଓଲିଉଡ୍&zwnj; ହିରୋ ଅରିନ୍ଦମ। ଏମାନେ କଣ ଚିହ୍ନା ପରିଚିତ ବୋଧହୁଏ। ନୂଆ ପଞ୍ଜାବୀ ମୁଣ୍ଡାଙ୍କ ନୂଆ ଷ୍ଟାଇଲ। ବ୍ଲୁ ପଞ୍ଜାବି ସାଙ୍ଗକୁ ରେଡ୍ ପଗଡ଼ି। କମ୍ବିନେସନ୍ ବି ବିଲକୁଲ୍ ଜବରଦସ୍ତ। ଚିହ୍ନି ପାରୁଛନ୍ତି ଏ ପଞ୍ଜାବୀ ମୁଣ୍ଡା ଜଣଙ୍କ କିଏ ?</p><p>ପାଠକେ ଓ ଦର୍ଶକେ, ଏବେ ଆଉ କଥାଟାକୁ ସସ୍&zwnj;ପେନ୍ସ ନରଖି ଖୋଲି କହିବାର ବେଳ ଆସିଗଲା। ଇଏ ହେଉଛନ୍ତି ଓଲିଉଡର ପ୍ରସିଦ୍ଧ ଚକୋଲେଟ୍ ଗର୍ଲ ଅର୍ଚ୍ଚିତା। ସିନେମା ହଲ୍&zwnj;ରେ ପହଞ୍ଚିଛନ୍ତି ସର୍ଦ୍ଦାର ବେଶରେ। ଆପଣ ଭାବୁଥିବେ ଏମିତି ସେ କାହିଁକି କଲେ? ତା କାରଣ ବି ଅଛି। ଚାଲିଥିଲା ଅପ୍&zwnj;କମିଂ ଓଡ଼ିଆ ଫିଲ୍ମ &lsquo;ଶିବା ନଟ୍ ଆଉଟ୍&rsquo;ର ସୁଟିଂ ଚାଲିଥିଲା। ସିକୁଏନ୍ସ ଥିଲା, ହିରୋ ଅରିନ୍ଦମଙ୍କ ସହ ଲୁଚି ଲୁଚି ଫିଲ୍ମ ଦେଖିବାକୁ ଯିବେ ହିରୋଇନ୍ ଅର୍ଚ୍ଚିତା। କିନ୍ତୁ ଫିଲ୍ମର କାହାଣୀ ଅନୁଯାୟୀ, ହିରୋ ହିରୋଇନ୍ ମିଶିକି ସମସ୍ତଙ୍କ ଆଗରେ ଫିଲ୍ମ ଦେଖିବାକୁ ଯିବା ସମ୍ଭବ ନୁହେଁ। କାରଣ କଥା ଉଭୟଙ୍କ ଘରେ ବି ପହଞ୍ଚି ଯାଇ ପାରେ। ତେଣୁ ସେମାନେ ବୁଦ୍ଧି ଖଟେଇ, ଅର୍ଚ୍ଚିତା ନିଜ ରୂପ ବଦଳେଇ ଜଣେ ପଞ୍ଜାବୀ ଟୋକା ବେଶରେ ଫିଲ୍ମ ଦେଖିବାକୁ ଯାଇଥିଲେ। ସେଇ ସିକୁଏନ୍ସ ସୁଟିଂ ବେଳେ ସତରେ ବି ଲୋକମାନେ ଅର୍ଚ୍ଚିତାଙ୍କୁ ଚିହ୍ନିପାରି ନଥିଲେ। ମେକ୍ ଅପ୍ ଆର୍ଟିଷ୍ଟ ଅର୍ଚ୍ଚିତାଙ୍କୁ ଏମିତି ସଜେଇଥିଲେ ଯେ, କେହି ତାଙ୍କୁ ଚିହ୍ନିପାରି ନଥିଲେ। ଅର୍ଚ୍ଚିତା ବି ପ୍ରପର୍ ଜଷ୍ଟିସ୍ ଦେଇଥିଲେ ତାଙ୍କର ଏହି ଲୁକ୍&zwnj;କୁ। ନିଜେ ଅର୍ଚ୍ଚିତା ଏହି ଲୁକ୍ ପାଇଁ ଖୁବ୍ ଉତ୍ସାହିତ ଥିଲେ। ତେଣୁ ବୋଧେ ସେ ଏହାକୁ ଠିକ୍ ଭାବରେ କରିପାରିଲେ। ସେହିପରି ଫିଲ୍ମର ନିର୍ଦ୍ଦେଶକ ସୁଧାଂଶୁ ସାହୁ ମଧ୍ୟ ପୂରା ସୁଟିଂରେ ସନ୍ତୁଷ୍ଟ। ଏବେ ଦେଖିବାକୁ ବାକି ରହିଲା, ଦର୍ଶକ ଅର୍ଚ୍ଚିତାଙ୍କ ଏହି ନୂଆ ଲୁକ୍&zwnj;କୁ କେମିତି ଗ୍ରହଣ କରୁଛନ୍ତି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।