ଭୁବନେଶ୍ୱର: ‘କୈଫି ଔର ମେ’ରେ ଉର୍ଦ୍ଧୁକବି କୈଫି ଆଜମିଙ୍କ ଜୀବନୀ

ଭୁବନେଶ୍ୱର:  ବିଶିଷ୍ଠ ଉର୍ଦ୍ଧୁକବି କୈଫି ଆଜମିଙ୍କ ଜୀବନି କାହାଣିକୁ ନେଇ ଏକ ଭିନ୍ନ ଧରଣର ନାଟକ କୈଫି ଔର ମେ ଅନୁଷ୍ଠିତ ହୋଇଯାଇଛି। ରବିବାର ସ୍ଥାନୀୟ ରବିନ୍ଦ୍ର ମଣ୍ଡପରେ ଅନୁଷ୍ଠିତ କାର୍ଯ୍ୟକ୍ରମରେ ବିଶିଷ୍ଠ ଅଭିନେତ୍ରୀ ସବାନା ଆଜମି ଓ କବି ଜାଭେଦ ଅଖତାର ଯୋଗଦେଇ  କୈଫି ଆଜମିଙ୍କ ଜିବନୀ କାହାଣିକୁ ନାଟକ ଆକାରରେ ବର୍ଣ୍ଣନା କରିଥିଲେ। ଏଥିରେ କୈଫିଙ୍କ ଭୂମିକାରେ ଥିଲେ  ଜାଭେଦ ଅଖତାର ଓ କୈଫିଙ୍କ ପତ୍ନୀ ସୌକତ ଅଜମିଙ୍କ ଭୂମିକା ନିଭାଇଥିଲେ ସବାନା ଆଜମି। ନାଟକରେ କୈଫିଙ୍କ ପିଲାବେଳର ଜୀବନ,ସୌକତଙ୍କ ସହିତ ବିବାହ,ପୋଗ୍ରେସିଭ ରାଇଟର୍ସ ମୁଭମେଣ୍ଟରେ ଭୂମିକା,ବଲିଉଡ ଯାତ୍ରା ଓ ବାର୍ଦ୍ଧକ୍ୟ ଜୀବନିକୁ ଦେଖିବାକୁ ମିଳିଥିଲା। ଏହାକୁ  ଜାଭେଦ ଅଖତାର ଲେଖିଥିବା ବେଳେ ଏହାର ନିର୍ଦ୍ଦେଶନା ଦେଇଥିଲେ ରମେଶ ତଲୱାର। ଏହି ନାଟକ ଭିତରେ କୈଫି ଆଜମିଙ୍କର ୨୦ଟି ଲୋକପ୍ରିୟ ଗୀତକୁ ପରିବେଷଣ କରିଥିଲେ ଜସୱିନ୍ଦର ସିଂ। ପୁର୍ବରୁ ଏହି ନାଟକ ଦେଶର ବିଭିନ୍ନ ସ୍ଥାନ ସହିତ ଆମେରିକା, କାନାଡା ପ୍ରଭୃତି  ସ୍ଥାନରେ୧୨୫ ଥର ପରିବେଷଣ କରାଯାଇଛି।