ଗୀତରେ ଗୀତରେ ଇସ୍ରୋ ବୈଜ୍ଞାନିକଙ୍କ ଦେଶପ୍ରେମ : ଦେଖନ୍ତୁ ଭିଡିଓ

ନୂଆଦିଲ୍ଲୀ: ବୈଜ୍ଞାନିକଙ୍କ ଦେଶ ପ୍ରେମ। ଗୀତରେ ଗୀତରେ ମହାକାଶକୁ ଜୟ କରିବାର ଗାଥା। ରକେଟ୍ ବୈଜ୍ଞାନିକଙ୍କ ମ୍ୟୁଜିକ୍‌ ଭିଡିଓ । ସ୍ୱାଧୀନତା ଦିବସ ଅବ୍ୟବହିତ ପୂର୍ବରୁ ଇସ୍ରୋର କିଛି ଉତ୍ସାହୀ ବିଜ୍ଞାନୀ ଭାରତର ଦ୍ୱିତୀୟ ଚନ୍ଦ୍ର ଅଭିଯାନକୁ ନେଇ ପ୍ରସ୍ତୁତ କରିଛନ୍ତି  I AM ଇଣ୍ଡିଆନ  ଶୀର୍ଷକ ଏକ ଆକର୍ଷଣୀୟ ଭିଡିଓ।

ଯେଉଁଥିରେ ଚନ୍ଦ୍ରପୃଷ୍ଠରେ ଜାତୀୟ ପତାକା ସ୍ଥାପନ କରାଯିବାର ଦୃଶ୍ୟ ରହିଛି ।  ବାର୍ତ୍ତା ରହିଛି।  ଦଙ୍ଗା। ତୁମ ସମୟ ସରିଯାଇଛି। ହଟିଯାଅ ହତିଆର। ଆମ ରାସ୍ତାରୁ ଚାଲିଯାଅ।  ଆଗକୁ ବଢ଼ିବା। ମଜଭୁତିର ସହ ନୂଆ ଦେଶ ତିଆରିବା । ୟୁ-ଟ୍ୟୁବ୍‌ରେ ଅପଲୋଡ଼ ହୋଇଥିବା ଏହି ଗୀତ ଖୁବ୍‌ ଚର୍ଚ୍ଚାର ବିଷୟ ପାଲଟିଛି।

ଯୁବପିଢିଙ୍କୁ ଖୁବ୍‌ ଆକର୍ଷିତ କରିଛି ଏହି ଗୀତ।  ଅଗଷ୍ଟ ୧୦ରେ ଅପଲୋଡ଼ ହୋଥିବା ଏହି ଗୀତକୁ ଅଦ୍ୟାବଧି ୧୧,୨୪୪ ଜଣ ଦେଖି ସାରିଲେଣି।  ଏକାଧିକ ଭାଷାରେ ମିଶ୍ରଣରେ ତିଆରି  ହୋଇଛି ଏହି ଗୀତ। ମାଲାୟାଲାମ, ହିନ୍ଦୀ, ତାମିଲ, ତେଲଗୁ, ବେଙ୍ଗଲୀ, ଓଡ଼ିଆ, ମରାଠୀ ଆଦି ଭାଷାର ଝଲକ ଏହି ଗୀତରେ ରହିଛି।