ମୁମ୍ବାଇ: ମୁଁ ଜୋରାବରଙ୍କ ସହ ମିଶ ଡ୍ରଗ୍ସ ନେଇଛି। ଯୁବରାଜ ମଧ୍ୟ ଡ୍ରଗ୍ସ ନେଇଛନ୍ତି। ସେ ନିଜେ ମୋତେ ଏ କଥା କହିଛନ୍ତି ବୋଲି ‘ବିଗ୍ବସ୍-୧୦’ରୁ ବାହାରକୁ ଆସିବା ପରେ ଆକାଂକ୍ଷା ଶର୍ମା କହିଛନ୍ତି।
ଆକାଂକ୍ଷା ‘ବିଗବସ୍-୧୦’ର ଘରେ ଥିବା ବେଳେ ଶାଶୁ ଶବନମ୍ ତାଙ୍କ ବିରୋଧରେ ଗଣମାଧ୍ୟମରେ ବୟାନ ଦେଇଥିଲେ। ‘ବିଗବସ୍’ ଘରେ ନିଜ ପରିବାର ବିଷୟରେ ଆକାଂକ୍ଷା କିଛି କହି ନ ଥିଲେ ମଧ୍ୟ ବାହାରକୁ ଆସିବା ପରେ ନିଜ ମୁହଁ ଖୋଲିଛନ୍ତି। ସେ କହିଛନ୍ତି,“ଘରେ କେବଳ ଗୋଟିଏ ପିଲାକୁ ଅଧିକ ଗୁରୁତ୍ୱ ଦିଆଯାଇ ଆସିଛି। ପିଲାଦିନରୁ ଜୋରାବର ଏକୁଟିଆ ହୋଇଯାଇଥିଲେ। ଜୋରାବରଙ୍କର ନିଜର ବୋଲି କିଛି ଭାବନା ନାହିଁ। ସେ ତାଙ୍କ ମାଆଙ୍କ ହାତର କାଠ କଣ୍ଢେଇ। ଘରେ ୪ ଜଣ ରୋଷେୟା ଥିଲେ ମଧ୍ୟ ଶବନମ୍ ଚାହୁଁଥିଲେ ମୁଁ ରୋଷେଇ କରେ।”
ଆତ୍ମହତ୍ୟା ଧମକ ଦେଇ ଶାଶୁଘର ଲୋକଙ୍କୁ ଟଙ୍କା ମାଗିବା ପ୍ରଶ୍ନର ଉତ୍ତର ଦେଇ ଆକାଂକ୍ଷା ଗଣମାଧ୍ୟମ ପ୍ରତିନିଧିଙ୍କୁ କହିଥିଲେ,“ମୁଁ ଜଣେ ଫାଇଟ୍ର, ମୁଁ ଏମିତି ଧମକ କାହିଁକି ଦେବି। ବିବାହ ପରେ ମଧ୍ୟ ମୋ ବାପଘର ଲୋକଙ୍କଠାରୁ ମୁଁ ଟଙ୍କା ନେଉଥିଲି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
