ଭୁବନେଶ୍ୱରରରେ ନୀଳମାଧବ ପଣ୍ଡାଙ୍କ ‘କଡ଼ଓ୍ୱି ହଓ୍ୱା’ର ଟିମ୍‌

<p>ଭୁବନେଶ୍ୱର: ବିଶ୍ୱ ତାପନ ଓ ଜଳବାୟୁ ପରିବର୍ତ୍ତନ ପାଇଁ କେଉଁଠି ମରୁଡ଼ି ତ କେଉଁଠି ସମୁଦ୍ର ଗର୍ଭରେ ହଜିଯାଉଛି ପୁରା ଗାଁ। &nbsp;&nbsp;କିନ୍ତୁ ଏଥିପାଇଁ ସାମାନ୍ୟତମ ଦାୟୀ ନଥିବା ସାଧାରଣ ମଣିଷ ବି ଛନ୍ଦି ହୋଇଯାଉଛି ପ୍ରାକୃତିକ ବିପଯର୍ୟୟର ଅଡ଼ୁଆ ସୂତାରେ। &nbsp;ଏହି ପ୍ରସଙ୍ଗକୁ ନିଜ ଫିଲ୍ମ କଡ଼ଓ୍ୱି ହଓ୍ୱା ଜରିଆରେ ଦର୍ଶକଙ୍କ ନିକଟକୁ ଆଣୁଛନ୍ତି ଚଳଚ୍ଚିତ୍ର ନିର୍ମାତା ନୀଳମାଧବ ପଣ୍ଡା। &nbsp;ଆସନ୍ତା ଶୁକ୍ରବାର ଏହା ରିଲିଜ୍ ହେଉଥିବା ବେଳେ ଆଜି ଫିଲ୍ମର ପ୍ରମୋଶନ୍ ପାଇଁ ଭୁବନେଶ୍ୱରରେ ଏକାଠି ହୋଇଥିଲେ ଏହାର ପୁରା ଟିମ୍ ।</p> <p>ଚଳଚ୍ଚିତ୍ର ପଛରେ କାହାଣୀ</p> <p>ବାଆ ସାଜିଛି ବଇରି।&nbsp; ବିହାରର ମହୁଆ ଅଞ୍ଚଳରେ ଭୟଙ୍କର ମରୁଡ଼ି । &nbsp;ପାଣି ଟୋପେ ବି ସ୍ୱପ୍ନ। ଋଣ ବୋଝ ଯୋଗୁଁ ଆତ୍ମହତ୍ୟା କରୁଛନ୍ତି ଜଣେ ପରେ ଜଣେ ଚାଷୀ । &nbsp;ନିଜ ପୁଅ କାଳେ ଜୀବନ ହାରିବ ସେଥିପାଇଁ ଚିନ୍ତିତ ଜଣେ ଚାଷୀଙ୍କ ଦୃଷ୍ଟିହୀନ ବାପା ହେଡ଼ୁ । &nbsp;ଏଭଳି ପରିସ୍ଥିତିରେ ଚାଷୀଙ୍କ ଠାରୁ ଋଣ ଆଦାୟ ପାଇଁ ସେଠାରେ ପହଞ୍ଚୁଛନ୍ତି ବ୍ୟାଙ୍କ ଏଜେଣ୍ଟ ତଥା ଓଡ଼ିଶାର ସାତଭାୟା ବାସିନ୍ଦା ଗୁନୁ ବାବୁ ।ପ୍ରକୃତିର ଦୁଇଟି ବିପରୀତ ଆକ୍ରୋଶକୁ ସାମ୍ନା କରୁଥିବା ଅଞ୍ଚଳର ବାସିନ୍ଦା ହେଡ଼ୁ ଓ ଗୁନୁବାବୁଙ୍କ ମଧ୍ୟରେ ସମ୍ପର୍କକୁ ନେଇ ତିଆରି ହୋଇଛି ଫିଲ୍ମ କଡ଼ଓ୍ୱି ହଓ୍ୱା।&nbsp; ଫିଲ୍ମରେ ହେଡ଼ୁ ଭୂମିକାରେ ସଞ୍ଜୟ ମିଶ୍ରା ଅଭିନୟ କରୁଥିବା ବେଳେ ଗୁନୁବାବୁ ସାଜିଛନ୍ତି ଟାଲେଣ୍ଟେଡ୍ ରଣବୀର ଶୋରେ ।</p> <p>ଏହି ଫିଲ୍ମ ଆସନ୍ତା ଶୁକ୍ରବାର ରିଲିଜ ହେଉଥିବା ବେଳେ, ଏହା ପୂର୍ବରୁ ଫିଲ୍ମର ପ୍ରଚାର ପ୍ରସାର ପାଇଁ ଭୁବନେଶ୍ୱରରେ ଏକାଠି ହୋଇଛନ୍ତି ଏହାର ପୁରା ଟିମ୍।&nbsp; ନିର୍ଦ୍ଦେଶକ ନୀଳମାଧବ ପଣ୍ଡା, ଫିଲ୍ମର ଅନ୍ୟତମ ଓଡ଼ଆ ପ୍ରଯୋଜକ ଅକ୍ଷୟ ପରିଜା, ଅଭିନେତା ସଞ୍ଜୟ ମିଶ୍ରା, ରଣବୀର ଶୋରେ, ତିଳୋତ୍ତମା ଶୋମ୍ । ସମସ୍ତେ ଦେଖିବାକୁ ମିଳିଥିଲେ ଏହି ପ୍ରମୋସନାଲ୍ ଇଭେଣ୍ଟରେ। ସମସ୍ତେ ବାଣ୍ଟିଥିଲେ ନିଜ ଅନୁଭୂତି।</p> <p>&amp;nbsp;</p>