କାଟ୍ରିନାଙ୍କ ଏହି ପୋଷ୍ଟ ଦେଖିବା ପରେ ନ ହସି ରହିପାରିବେନି

ନୂଆଦିଲ୍ଲୀ: କାଟ୍ରିନା କୈଫ ତାଙ୍କ ଆଗାମୀ ଫିଲ୍ମ ‘ଟାଇଗର ଜିନ୍ଦା ହେ’ର ସୁଟିଂରେ ବ୍ୟସ୍ତ ଅଛନ୍ତି। ତଥାପି ନିଜ କାର୍ଯ୍ୟ ବ୍ୟସ୍ତତା ମଧ୍ୟରେ ନିଜ ଫ୍ୟାନ୍‌ଙ୍କୁ ଭୁଲି ନାହାନ୍ତି। ସବୁ ବେଳେ ଫ୍ୟାନଙ୍କ ସହ ଯୋଡ଼ି ହୋଇ ରହୁଛନ୍ତି। ସୁଟିଂ ସେଟ୍‌ର ଫଟୋ ଓ ଭିଡିଓ ସବୁବେଳେ ଇଣ୍ଟାଗ୍ରାମରେ ସେୟାର କରିଥାନ୍ତି। ସେ ଏମିତି କିଛି ହାଲକା ମୁର୍ହୂତ୍ତର ଭିଡିଓ ପୋଷ୍ଟ କରିଛନ୍ତି ଯାହାକୁ ଦେଖିଲେ ଆପଣ ହସି ହସି ଗଡ଼ିବେ।

ଫିଟ୍‌ନେସ୍‌କୁ ନେଇ ସବୁ ବେଳେ ସଚେତନ ରହୁଥିବା କାଟ୍ରିନାଙ୍କୁ ସୁଟିଂ ସେଟ୍‌ରେ ପୁସ୍‌ଅପ୍‌ କରୁଥିବା ଦେଖିବାକୁ ମିଳୁଛି।

ସୋମବାର ରାତିରେ କାଟ୍ରିନା ଏକ  ଭିଡିଓ ଅପ୍‌ଲୋଡ଼ କରିଛନ୍ତି। ଏଥିରେ କାଟ୍ରିନା ପ୍ରଥମେ ଦୁଇ ହାତରେ ଓ ପରେ ଗୋଟିଏ ହାତରେ ପୁସ୍‌ଅପ୍‌ କରୁଥିବା ଦେଖିବାକୁ ମିଳୁଛି। ଏହାପରେ ଘଟିଛି ମଜାଦାର କଥାଟି। ସେ ଅଚାନାକ ପୁସ୍ଅପ୍ କରିବା ସମୟରେ ନିଜର ଦୁଇହାତକୁ ଉପରକୁ କରି ଦେଇ ପୁସ୍ଅପ ଜାରୀ ରଖିଥିଲେ। ଯାହା ଆପଣଙ୍କୁ ଆଶ୍ଚର୍ଯ୍ୟ କରିଦେବା ସହ ହସାଇ ହସାଇ ବେଦମ କରିଦେବ।