ଇସଲାମାବାଦ୍: ଓଡ଼ିଆ ଝିଅ ତଥା ପ୍ରସିଦ୍ଧ ଚଳିଚ୍ଚିତ୍ର ନିର୍ଦ୍ଦେଶକ ନନ୍ଦିତା ଦାସଙ୍କ ସଦ୍ୟ ନିର୍ଦ୍ଦେଶିତ ଫିଲ୍ମ ‘ମଣ୍ଟୋ’ର ରିଲିଜ୍ ବାବଦରେ ସାହାଯ୍ୟ କରିବେ ବୋଲି ପ୍ରତିଶ୍ରୁତି ଦେଇଛନ୍ତି ପାକିସ୍ତାନ ସୂଚନା ପ୍ରସାରଣ ମନ୍ତ୍ରୀ ଫୱାଦ୍ ଚୌଧୁରୀ। ନନ୍ଦିତା ଏ ବାବଦରେ ଟ୍ୱିଟର୍ରେ ଜଣାଇବାପରେ ଫୱାଦ୍ କହିଛନ୍ତି ସେ ଆମଦାନୀକାରୀ ବା ବିତରକଙ୍କୁ ଏହି ଅଣବ୍ୟବସାୟିକ ଫିଲ୍ମର ପ୍ରଦର୍ଶନ ପାଇଁ ପ୍ରବର୍ତ୍ତାଇବେ।
I am trying to pursue importers to bring this movie to Pak, I hope someone will definitely take risk of showing A less commercial film to the viewers https://t.co/ZkNyJOyfTi
— Ch Fawad Hussain (@fawadchaudhry) December 15, 2018
ସେ କହିଛନ୍ତି, “ମୁଁ ଆମଦାନୀକାରୀ ବା ବିତରକଙ୍କୁ ଏହି ଫିଲ୍ମର ପ୍ରଦର୍ଶନ ପାଇଁ ପ୍ରବର୍ତ୍ତାଇବି। ଭାବୁଛି କେହି ନା କେହି ନିଶ୍ଚୟ ଏପରି କରିବାକୁ ରାଜି ହେଇଯିବ।” ଏହାର ପ୍ରତିକ୍ରିୟାରେ ନନ୍ଦିତା ଚୌଧୁରୀଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି।
ଉର୍ଦ୍ଦୁ ଲେଖକ ସାଦତ୍ ହାସନ୍ ମଣ୍ଟୋଙ୍କ ଜୀବନୀ ଉପରେ ପର୍ଯ୍ୟବସିତ ଏହି ଫିଲ୍ମ ପାକିସ୍ତାନରେ ରିଲିଜ୍ ନହୋଇପାରିବାନେଇ ଶନିବାର ନନ୍ଦିତା ତାଙ୍କ ଟ୍ୱିଟ୍ରେ କ୍ଷୋଭ ପ୍ରକାଶ କରିଥିଲେ।
ସେ କହିଥିଲେ, “ମଣ୍ଟୋ ପାକିସ୍ତାନରେ ପ୍ରଦର୍ଶିତ ନହେବା ନେଇ ମୁଁ ବିବ୍ରତ ଅନୁଭବ କରୁଛି। ମୁଁ ଏଥିପାଇଁ ଆଗ୍ରହୀ ଥିଲି ଯେ, ଲେଖକ ଭାବେ ସେ ଉଭୟ ଦେଶର।”
Disappointed that Manto will not be seen in theatres in Pakistan. I was keen as he belongs to both countries equally.
Viacom18 Motion Pictures Namrata Goyal... https://t.co/rC7rxhKHgO
— Nandita Das (@nanditadas) December 15, 2018
ସୂଚନାଯୋଗ୍ୟ ଯେ, ମଣ୍ଟୋ ବ୍ୟାନ୍ ହେବାପରେ ପାକିସ୍ତାନର ବୁଦ୍ଧିଜୀବୀମାନେ ସରକାରଙ୍କ ଏହି ନିଷ୍ପତ୍ତିକୁ ବିରୋଧ କରିଥିଲେ। ଏପରିକି ଏହାକୁ ପାକିସ୍ତାନରେ ରିଲିଜ୍ କରାଇବାର ବ୍ୟବସ୍ଥା କରାଯାଉ ବୋଲି ଏକ ଖୋଲା ଚିଠି ଲେଖିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
