ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ଭୁବନେଶ୍ୱର(ଓଡ଼ିଶା ରିପୋର୍ଟର)<strong>:</strong> ଗତ କିଛି ଦିନ ହେବ ପରଦାରେ ଦିଶୁ ନ ଥିବା ଓଲିଉଡ୍‌ ହାସ୍ୟ ଅଭିନେତା ପପୁ ପମ୍‌ ପମ୍‌ ଏଥର ଫେରୁଛନ୍ତି। ଅସୁସ୍ଥତା ହେତୁ ଆଉ ପପୁଙ୍କ ଅଭିନୟ ଦେଖିବାକୁ ମିଳୁ ନ ଥିଲା। ଅଗ୍ନାଶୟରେ ସମସ୍ୟା ପାଇଁ ପପୁଙ୍କ ଚିକିତ୍ସା ଚାଲିଥିଲା ଏବଂ ଡାକ୍ତରଙ୍କ ପରାମର୍ଶ ପାଇ ପପୁ ବିଶ୍ରାମ ନେଉଥିଲେ। କିନ୍ତୁ ଏବେ ଯାହା ସୂଚନା ମିଳୁଛି ପୁଣିଥରେ ପପୁ କମ୍‌ବ୍ୟାକ୍‌ କରୁଛନ୍ତି ।</p> <p>ଏଥର ହାସ୍ୟ ଅଭିନେତା ଭାବେ ନୁହେଁ, ବରଂ ଜଣେ ନିର୍ଦ୍ଦେଶକ ଭାବେ କମ୍‌ ବ୍ୟାକ୍‌ କରିବେ ପପୁ। ଆଗକୁ ଆସୁଛି ପପୁଙ୍କ ନିର୍ଦ୍ଦେଶିତ ଫିଲ୍ମ ‘ଚିର୍‌କୁଟ୍‌’। ଅକ୍ଷୟ ପରିଜା ପ୍ରଡକ୍ସନ୍ ବ୍ୟାନରରେ ପ୍ରସ୍ତୁତ ହେଉଥିବା ଏହି ଫିଲ୍ମରେ ଥିଏଟର କଳାକାରମାନଙ୍କୁ ଗୁରୁତ୍ୱ ଦିଆଯାଇଛି। ଏହି ଫିଲ୍ମରେ ଛୋଟ ପିଲାମାନଙ୍କୁ ମଧ୍ୟ ସାମିଲ୍‌ କରାଯାଇଛି।</p> <p>ନିର୍ଦ୍ଦେଶନା ସହ ଏହି ଫିଲ୍ମରେ ପପୁ ସ୍ୱର ସଂଯୋଜନା କରିବେ ବୋଲି ମଧ୍ୟ ଶୁଣିବାକୁ ମିଳୁଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।