ଇଭେଣ୍ଟରେ ପ୍ରିୟଙ୍କା-ନିକ୍‌ଙ୍କ ରୋମାନ୍ସ: ତାଳି ମାରି ମଜା ନେଲେ ଦର୍ଶକ

ମୁମ୍ବାଇ(ଓଡ଼ିଶା ରିପୋର୍ଟର): ଗତ କିଛି ଦିନ ହେବ ଚର୍ଚ୍ଚାରେ ରହିଛି ପ୍ରିୟଙ୍କା-ନିକ୍‌ଙ୍କ ବିବାହ। କାରଣ ଏହି ବିବାହ ସମ୍ପୂର୍ଣ୍ଣ ରାଜକୀୟ ଠାଣିରେ ହୋଇଛି। ୱେଡିଂ ଡ୍ରେସ୍‌ଠୁ ଆରମ୍ଭ କରି କେକ୍‌ ପର୍ଯ୍ୟନ୍ତ ସବୁଥିରେ ଦେଖିବାକୁ ମିଳିଛି ରାଜକୀୟ ଛଟା। ସବୁ କିଛି ସ୍ୱତନ୍ତ୍ର ଏବଂ ବହୁମୂଲ୍ୟର। ଏଥିସହ ବିବାହରେ ନିକ୍‌-ପ୍ରିୟଙ୍କାଙ୍କ କେମେଷ୍ଟ୍ରି ମଧ୍ୟ ଦେଖଣାହାରୀଙ୍କ ମନ କିଣିଛି। ସେ ବିବାହ ହେଉ କି ରିସେପ୍‌ସନ୍‌ ଉଭୟ ପରସ୍ପରକୁ ନେଇ ବେଶ୍‌ ଖୁସିଥିବା ସ୍ୱଚକ୍ଷୁରେ ଦେଖିଛନ୍ତି ଦର୍ଶକ।

ବିବାହ ପରେ ଏବେ ପ୍ରିୟଙ୍କାଙ୍କ ରୋମାନ୍ସକୁ ନେଇ ଚର୍ଚ୍ଚା ଚାଲିଛି। ନିକଟରେ ଏହି ନବ ବିବାହିତ ଦମ୍ପତ୍ତି ପହଞ୍ଚିଥିଲେ ଏକ ଡେଟିଂ ଆପ୍‌ ବମ୍ବଲ୍‌(bumble) ଲଞ୍ଚ କରିବାକୁ। ସେଠାରେ ନିକ୍‌

ପ୍ରିୟଙ୍କାଙ୍କ ସମ୍ପୁର୍ଣ୍ଣ ଧ୍ୟାନ ନେଉଥିବା ଦେଖିବାକୁ ମିଳିଥିଲା। କେତେବେଳେ ପ୍ରିୟଙ୍କା ବସିବା ପୂର୍ବରୁ ନିକ୍‌ ତାଙ୍କ ପାଇଁ ଚେୟାର ଠିକ୍‌ କରିଦେଉଥିଲେ ତ ପୁଣି କେତେବେଳେ ପ୍ରିୟଙ୍କାଙ୍କୁ କୋର୍ଟରେ ଘୋଡ଼ାଇ ଦେଉଥିଲେ।

ଏସବୁ ଦେଖି ପ୍ରିୟଙ୍କା ମଧ୍ୟ ନିକ୍‌ଙ୍କୁ ବାରମ୍ବାର ଚୁମ୍ବନ୍ ଦେଉଥିଲେ। ଇଭେଣ୍ଟରେ ନିକ୍‌-ପ୍ରିୟଙ୍କାଙ୍କ ଏଇ ହାଲ୍‌କା ଫୁଲ୍‌କା ରୋମାନ୍ସ ଦେଖି ଉପସ୍ଥିତ ଲୋକେ ତାଳି ମାରି ମଜା ନେଉଥିଲେ। (ଦେଖନ୍ତୁ ଭିଡ଼ିଓ)