ମୁମ୍ବାଇ: ‘ମ୍ୟାରୀକମ୍’ ଷ୍ଟାର ପ୍ରିୟଙ୍କା ଚୋପ୍ରାଙ୍କ ଭାଇ ସିଦ୍ଧାର୍ଥ ଚୋପ୍ରାଙ୍କ ବିରୋଧରେ ପୁଣେରେ ଏତଲା ଦାୟର କରାଯାଇଛି। ସିଦ୍ଧାର୍ଥ ଚୋପ୍ରାଙ୍କ ବିରୋଧରେ ଏକ ରେଷ୍ଟୁରାଣ୍ଟ ବାହାରେ ହୁକ୍କା ବ୍ୟବସାୟ କରିବାର ଅଭିଯୋଗ ଲଗାଯାଇଛି। ନୋ-ସ୍ମୋକିଂ ଜୋନରେ ହୁକ୍କା ବ୍ୟବସାୟ କରୁଥିବାରୁ ତାଙ୍କ ବିରୋଧରେ ମାମଲା ରୁଜୁ କରାଯାଇଛି।
ନିକଟରେ ପ୍ରିୟଙ୍କା ଚୋପ୍ରାଙ୍କ ଭାଇ ସିଦ୍ଧାର୍ଥ ଚୋପ୍ରା ପୁଣେରେ ଭାଗିଦାରୀ ଭାବରେ ଏକ ପବ୍-ଲାଉଞ୍ଜ ଖୋଲିଛନ୍ତି। ଯେଉଁ ଅଞ୍ଚଳରେ ଏହି ପବ୍ ଖୋଲାଯାଇଛି ତାହା ନୋ-ସ୍ମୋକିଂ ଜୋନରେ ଆସୁଛି।
ସେଠି ଗ୍ରାହକମାନଙ୍କୁ ହୁକ୍କା ଟାଣିବାର ସୁଯୋଗ ଦେଇଥିବାରୁ ସିଦ୍ଧାର୍ଥଙ୍କ ବିରୋଧରେ ମାମଲା ଦାୟର କରାଯାଇଛି। ପୋଲିସ ମାମଲାର ଖୋଳତାଢ଼ କରୁଛି।