ମୁମ୍ବାଇ: ରିଓ ଅଲିମ୍ପିକରେ ଭାରତ ପାଇଁ ଐତିହାସିକ ସଫଳତା ଆଣିଥିବା ପି.ଭି ସିନ୍ଧୁଙ୍କୁ ଅଭିନେତା ରଜନୀକାନ୍ତ ପ୍ରଂଶସା କରିଛନ୍ତି।
ରଜନୀକାନ୍ତ ଟ୍ୱିଟ୍ କରି କହିଛନ୍ତି,“ସିନ୍ଧୁ ଅଲିମ୍ପିକରେ ରୌପ୍ୟ ପଦକ ଜିତିଥିବାରୁ ମୁଁ ତାଙ୍କୁ ସଲାମ କରୁଛି। ମୁଁ ସିନ୍ଧୁଙ୍କ ବଡ଼ ପ୍ରଶଂସକ ହୋଇଯାଇଛି। ପ୍ରଥମ ଥର ପାଇଁ ପି.ଭି ସିନ୍ଧୁ ଅଲିମ୍ପିକରେ ରୌପ୍ୟ ପଦକ ଜିତିଥିବାରୁ ସାରା ଦେଶ ତାଙ୍କ ପାଇଁ ଗର୍ବ ଅନୁଭବ କରୁଛି।”
ସେହିପରି ଅଭିନେତା ଆର. ମାଧବନ କହିଛନ୍ତି, “ଅଲିମ୍ପିକରେ ସିନ୍ଧୁ ରୌପ୍ୟ ପଦକ ଜିତିଥିବାରୁ ସାରାଦେଶ ଖୁସି ମନାଇଛି। ମୁଁ ସିନ୍ଧୁଙ୍କ ପାଇଁ ଗର୍ବ ଅନୁଭବ କରୁଛି।”