ତମନ୍ନା ଭାଟିଆଙ୍କୁ ଜୋତାମାଡ଼, କାରଣ ଜାଣିଲେ ଆଶ୍ଚର୍ଯ୍ୟ ହୋଇଯିବେ

ମୁମ୍ବାଇ: ‘ବାହୁବଲୀ’ ଫେମ୍‌ ତମନ୍ନା ଭାଟିଆ ହାଇଦ୍ରାବାଦର ହିମାୟତନଗରୀରେ ଏକ ଅଳଙ୍କାର ଦୋକାନ ଉଦ୍‌ଘାଟନ କରିବାକୁ ପହଞ୍ଚିଥିଲେ। ଦୋକାନ ଉଦ୍‌ଘାଟନ କରିବା ସମୟରେ ମୁଶୀରାବାଦର କରୀମୁଲ୍ଲାହ ନାମକ ୩୧ ବର୍ଷିୟ ବ୍ୟକ୍ତି ତାଙ୍କ ଉପରକୁ ଜୋତା ଫୋପାଡ଼ି ଥିଲେ। ଲୋକମାନେ ତମନ୍ନାଙ୍କୁ ଘେରି ରହିଥିବାରୁ ଜୋତା ତାଙ୍କ ଦେହରେ ନବାଜି ଦୋକାନର ଜଣେ କର୍ମଚାରୀଙ୍କ ଦେହରେ ବାଜି ଥିଲା। ଏହି ଘଟଣା ପରେ ପୋଲିସ୍‌ରେ ଅଭିଯୋଗ କରାଯାଇଥିଲା। ପୋଲିସ୍‌ ସେହି ବ୍ୟକ୍ତିଙ୍କୁ ପଚାରାଉଚାର କରିବା ପରେ ସେ ଜୋତା ଫୋପାଡ଼ିବାର କାରଣ ସାମ୍ନାକୁ ଆସିଥିଲା। ତାହା ଜାଣିବା ପରେ ଆପଣଙ୍କୁ ଖୁବ୍‌ ଆଶ୍ଚର୍ଯ୍ୟ ଲାଗିବ। ସମସ୍ତେ ଭାବୁଥିବେ ନିଶ୍ଚିତ ଭାବେ ଏକ ବଡ଼ କାରଣ ଯୋଗୁଁ ସେ ଜୋତା ଫିଙ୍ଗିଥିଲେ। କିନ୍ତୁ ସେମିତି କିଛି ନୁହେଁ।

ନାରାୟଣଗୁଡ଼ାର ଇନ୍ସିପେକ୍ଟର ବି. ରବୀନ୍ଦ୍ର କହିଥିଲେ ଯେ ସେହି ବ୍ୟକ୍ତିଙ୍କୁ ପଚରାଉଚରା ପରେ ଜଣାପଡ଼ିଲା ଯେ, ନିକଟରେ ରିଲିଜ୍‌ ହୋଇଥିବା କିଛି ଫିଲ୍ମରେ ତମନ୍ନାଙ୍କ ଅଭିନୟ ତାଙ୍କୁ ଭଲ ଲାଗି ନଥିଲା। ତେଣୁ ନିରାଶ ହୋଇ ସେ ତମନ୍ନାଙ୍କ ଉପରକୁ ଜୋତା ଫିଙ୍ଗିଥିଲେ।