ମୁମ୍ବାଇ: ବଲିଉଡ୍ ଲୋକପ୍ରିୟ ଗାୟକ ସୋନୁ ନିଗମ ଅସୁସ୍ଥ ହୋଇପଡିଛନ୍ତି। କୋରାପୁଟ ଜୟପୁରରେ ଏକ ଶୋ’ସାରି ମୁମ୍ବାଇ ଫେରିବା ପରେ ସିଧା ହସ୍ପିପିଟାଲରେ ପହଞ୍ଚିଥିଲେ ସୋନୁ। ସୋନୁଙ୍କ ସ୍କିନ୍ରେ ଆଲର୍ଜି ଦେଖାଦେବାକୁ ତାଙ୍କୁ ମୁମ୍ବାଇ ନାନାବତୀ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା। ତେବେ ସେଠାରେ ICUରେ ଦୁଇଦିନ ରହି ଚିକିତ୍ସିତ ହେବା ପରେ ଏବେ ସୁସ୍ଥ ହୋଇ ଘରକୁ ଫେରିଛନ୍ତି।
ନିଜର ସ୍ୱାସ୍ଥ୍ୟବସ୍ତାକୁ ନେଇ ସୋନୁ ସୋଶାଲ୍ ମିଡିଆରେ ଏକ ପୋଷ୍ଟ କରିଛନ୍ତି। ଫଟୋରେ ତାଙ୍କର ବାମ ଆଖି ଫୁଲି ଯିବା ସହ ବନ୍ଦ ହୋଇଯାଇଥିବା ଦେଖିବାକୁ ମିଳିଛି। ସେହିପରି ଆଉ ଏକ ଫଟୋରେ ସେ ହସ୍ପିଟାଲ୍ ବେଡ୍ରେ ଅକ୍ସିଜେନ୍ ମାସ୍କ ଲଗାଇ ଶୋଇଥିବା ଅବସ୍ଥାରେ ଦେଖିବାକୁ ମିଳିଛି।
ସୋନୁ ଏହି ଫଟୋ ସେୟାର କରି କ୍ୟାପ୍ସନ୍ରେ ଲେଖିଛନ୍ତି, ‘‘ ମୋ ପ୍ରତି ସମସ୍ତଙ୍କ ଭଲ ପାଇବା ଏବଂ ଚିନ୍ତା ପାଇଁ ମୁଁ ଧନ୍ୟବାଦ ଜଣାଉଛି । ୨ଦିନ ତଳେ କୋରାପୁଟର ଜୟପୁରରୁ ଏକ କନ୍ସର୍ଟ ସାରି ଫେରିବା ପରେ ମୋର ଏମିତି ଅବସ୍ଥା ହୋଇଥିଲା ବୋଲି ସେ ଲେଖିଛନ୍ତି। ଏଥିରେ ସୋନୁ ନିଗମ ସମସ୍ତଙ୍କୁ ଏକ ପରାମର୍ଶ ଦେଇଛନ୍ତି । ସେ ଲେଖିଛନ୍ତି ଯେ,ଏହା ଆମ ସମସ୍ତଙ୍କ ପାଇଁ ଗୋଟେ ଶିକ୍ଷା। ଆଲର୍ଜିକୁ କେବେ ବି ଅଣଦେଖା କରନ୍ତୁ ନାହିଁ। ସି-ଫୁଡ୍ ଖାଇବା ଯୋଗୁଁ ସୋନୁଙ୍କର ଏମିତି ଅବସ୍ଥା ହୋଇଥିବା ସୂଚନା ମିଳିଛି। ସୋନୁଙ୍କ ଏହି ଫଟୋ ଆସିବା ପରେ ତାଙ୍କ ଫ୍ୟାନ୍ମାନେ ଚିନ୍ତିତ ହୋଇପଡ଼ିଥିଲେ। ପ୍ରଶଂସକମାନେ ସୋନୁଙ୍କ ଆଶୁଆରୋଗ୍ୟ କାମନା କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
