ସନ୍ନିଙ୍କୁ ଲୋଭରେ ପକାଇଲା ଗେଲ୍‌ଙ୍କ ଅଫର: ଠୁମ୍‌କା ଲଗାଇଲେ, ଭିଡିଓ ପଠାଇଲେ

<p>ନୂଆଦିଲ୍ଲୀ: କ୍ରିକେଟ ଗ୍ରାଉଣ୍ଡରେ ଧୂଆଁଧାର ବ୍ୟାଟିଂରେ ନିଜର ଯାଦୁ ଦେଖାଇଥିବା ୱେଷ୍ଟଇଣ୍ଡିଜ କ୍ରିକେଟର କ୍ରିସ୍&zwnj; ଗେଲ୍&zwnj; ପଡିଆ ବାହାରେ ମଧ୍ୟ ନିଜର ଜଲୱା ଦେଖାଇଛନ୍ତି। କ୍ରିକେଟ ଛଡା ନିଜ ନାଚ ପାଇଁ ମଧ୍ୟ ଏହି କାରବିୟାନ କ୍ରିକେଟର ଜଣାଶୁଣା। ଅନେକ ସମୟରେ ପଡିଆ ମଧ୍ୟରେ ଗେଲ୍&zwnj;ଙ୍କୁ ନୃତ୍ୟକୁ ଉପଭୋଗ କରିଛନ୍ତି ପ୍ରଶଂସକ ମାନେ। ତେବେ ପଡିଆ ଭିତରେ ଗେଲ ନାଚିବା କିଛି ନୂଆ ଘଟଣା ନୁହେଁ। ପୂର୍ବରୁ ତାଙ୍କର ଗଙ୍ଗନମ୍&zwnj; ଷ୍ଟାଇଲ୍&zwnj; ଡ୍ୟାନ୍ସକୁ ମନଭରି ଉପଭୋଗ କରିଥିଲେ ଦର୍ଶକ। କିନ୍ତୁ ଏବେ ବଲିଉଡ ବିଟ୍&zwnj;ରେ ଝୁମିଛନ୍ତି ଗେଲ୍&zwnj;। ରଇସ୍&zwnj; ଫିଲ୍ମର &lsquo;ଲୈଲା ମେଁ ଲୈଲା&rsquo; ଆଇଟମ୍&zwnj; ଗୀତରେ ଗେଲ୍&zwnj; ନାଚୁଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।&nbsp; ଏହି ଭିଡ଼ିଓକୁ ଗେଲ ନିଜ ଇନଷ୍ଟାଗ୍ରାମ୍&zwnj; ପେଜ୍&zwnj;ରେ ସେୟାର କରିଛନ୍ତି। କିନ୍ତୁ କଥା ଏତିକିରେ ସରିନି। ଦେଖନ୍ତୁ ଏହି ଭଡିଓ</p> <p>ଗେଲ୍&zwnj; ଏହି ଭିଡିଓକୁ ସୋସିଆଲ ମିଡିଆରେ ସେୟାର କରିବା ସହ ଫ୍ୟାନମାନଙ୍କୁ ଏହି ଆଇଟମ୍&zwnj; ଗୀତରେ ଡ୍ୟାନ୍ସ କରିବାକୁ ଚ୍ୟାଲେଞ୍ଜ ଦେଇଛନ୍ତି। ଚ୍ୟାଲେଞ୍ଜ ଅନୁସାରେ, ଏହି ଗୀତରେ ଯେ କେହି ବି ତାଙ୍କ ଭଳି ଡ୍ୟାନ୍ସ କରିବ ପୁରସ୍କାର ଭାବେ ୫ ହଜାର ଡଲାର ଦେବାକୁ ଘୋଷଣା କରିଛନ୍ତି ଗେଲ୍&zwnj;। ଜାଣିକି ଆଶ୍ଚର୍ଯ୍ୟ ହେବେ ଗେଲ୍&zwnj;ଙ୍କ ଏହି ଚ୍ୟାଲେଞ୍ଜରେ ଏଣ୍ଟ୍ରି କରିଛନ୍ତି ବଲିଉଡ଼ର ଜଣେ ଆଇଟମ୍&zwnj; ଡ଼୍ୟାନ୍ସର। ସେ ହେଉଛନ୍ତି ବଲିଉଡ଼ର ଆଇଟମ ଗାର୍ଲ ସନ୍ନି ଲିଓନ। ସନ୍ନି ମଧ୍ୟ ଏହି ଗୀତରେ ନିଜର ଏକ ଭିଡ଼ିଓ ଗେଲଙ୍କୁ ଟ୍ୟାଗ୍&zwnj; କରି ସେୟାର କରିଛନ୍ତି। ତେବେ ମଜାଦାର କଥା ହେଉଛି, ଗେଲ୍&zwnj; ଯେଉଁ ଆଇଟମ୍&zwnj; ଗୀତରେ ନାଚୁଛନ୍ତି ସେ ଗୀତର ଅରଜିନାଲ ଭର୍ସନରେ ସନ୍ନି ଲିଓନ ହିଁ ନାଚିଥିଲେ। ସେତେବେଳେ ଏହି ଗୀତଟି ଜବରଦସ୍ତ ହିଟ୍&zwnj; ହୋଇଥିଲା।</p> <p>ଏହି ଚ୍ୟାଲେଞ୍ଜରେ ଉଭୟ ପୁରୁଷ ଓ ମହିଳା ଭାଗ ନେଇ ପାରିବେ ବୋଲି ସୋସିଆଲ ସାଇଟ୍&zwnj;ରେ ଉଲ୍ଲେଖ କରିଛନ୍ତି ଗେଲ୍&zwnj;। ଫ୍ୟାନ ମାନେ ଏହି ଆଇଟମ୍&zwnj; ଗୀତରେ ଡ୍ୟାନ୍ସ କରି ଏହାର ଭିଡ଼ିଓ ତାଙ୍କ ସୋସିଆଲ ସାଇଟ୍&zwnj; ପେଜ୍&zwnj;ରେ ସେୟାର କରିବାକୁ କହିଛନ୍ତି ଗେଲ୍&zwnj;। ଫ୍ୟାନ ମାନେ ପଠାଇଥିବା ଭିଡ଼ିଓ ମଧ୍ୟରୁ ଟପ୍&zwnj;-୫ ଭିଡିଓ ଗେଲ୍&zwnj; ନିଜ ପେଜରେ ସେୟାର କରିବେ ଓ ଦର୍ଶକ ହିଁ ବିଜେତା ବାଛିବେ। ତେବେ ଏହି ଚ୍ୟାଲେଞ୍ଜରେ ଭାଗ ନେଇଥିବା ବିଜେତାଙ୍କ ନାମ ୨୪ ତାରିଖରେ ଘୋଷଣା କରାଯିବ। ତେବେ ବିଜେତା ଘୋଷଣା ହେବାକୁ ଆହୁରି ୫ଦିନ ବାକିଥି&zwj;ବା ବେଳେ ସନ୍ନିଙ୍କ ଏଣ୍ଟ୍ରି ଗେଲ୍&zwnj;ଙ୍କ ଚ୍ୟାଲେଞ୍ଜକୁ ଗରମାଗରମ କରିଦେଇଛି।</p>