ମୁମ୍ବାଇ: ପପୁଲାର୍ ଟିଭି ଶୋ’ ‘ଭାବୀ ଜୀ ଘର ପର ହେଁ’ରେ ମଲଖାନ୍ ଭୂମିକାରେ ଅଭିନୟ କରୁଥିବା ଦୀପେଶ ଭାନ୍ ନିକଟରେ ବିବାହ କରିଛନ୍ତି। ସେ ତାଙ୍କ ବାହାଘରର ଏକ ଫଟୋ ସୋଶାଲ୍ ମିଡିଆରେ ଶେୟାର କରିଛନ୍ତି। ଏଥିରେ ସେ ତାଙ୍କ ପତ୍ନୀଙ୍କ ସହିତ ଅଛନ୍ତି। ଫଟୋ ତଳେ ସେ ଲେଖିଛନ୍ତି,“ମୁଁ ବାହା ହୋଇଗଲି। ଏବେ ମୁଁ ମୋ ସୁନ୍ଦରୀ ପତ୍ନୀଙ୍କ ସହିତ ଏକ ନୂଆ ଦୁନିଆରେ ପ୍ରବେଶ କରିଛି।”
ସୋଶାଲ୍ ମିଡିଆରେ ଦୀପେଶଙ୍କ ବାହାଘର ଫଟୋ ଦେଖିବା ପରେ ଫ୍ୟାନ୍ମାନେ ତାଙ୍କୁ ଅଭିନନ୍ଦନ ଜଣାଇଛନ୍ତି।
‘ଭାବୀ ଜୀ ଘର ପର ହୈ’ରେ ଦୀପେଶ ଅନେକ ପ୍ରକାରର ଚରିତ୍ରରେ ଅଭିନୟ କରିଛନ୍ତି। ଆଉ ଦର୍ଶକ ବି ତାଙ୍କର ପ୍ରତିଟି ଚରିତ୍ରକୁ ବହୁତ ଭଲ ପାଆନ୍ତି।
ସେ ଆହୁରି କହିଥିଲେ,“ଭାବୀ ଜୀ ଘର ପର ହେଁ ପୂର୍ବରୁ ମୁଁ ୫ଟି ଶୋ’ରେ କାମ କରିଥିଲି। କିନ୍ତୁ ଏଥିରେ ମୋତେ ଅଭିନେତା ଭାବେ ପରିଚୟ ମିଳିଛି।”
ନେହା ପେଂଡ୍ସେଙ୍କ ଅଭିନୀତ ଶୋ’ ‘ମେ ଆଇ କମ୍ ଇନ୍ ମ୍ୟାଡମ୍’ରେ ବି ଦୀପେଶ ଅଭିନୟ କରିଥିଲେ।