ଗୋଲାପ ପାଖୁଡ଼ାରେ ରହିଛି ଏହି ସବୁ ଔଷଧୀୟ ଗୁଣ

ଓଜନ ହ୍ରାସ ସହ ଚେହେରାକୁ ଉଜ୍ଜ୍ୱଳ କରେ

ଭୁବନେଶ୍ୱର(ଓଡ଼ିଶା ରିପୋର୍ଟର୍‌): ପ୍ରାୟତଃ ଆମ ସମସ୍ତଙ୍କ ଘର ବା ବଗିଚାରେ ବିଭିନ୍ନ ରଙ୍ଗର ଗୋଲାପ ଫୁଲ ଦେଖିବାକୁ ମିଳିଥାଏ। ଏହା ଦେଖିବାକୁ ଯେମିତି ସୁନ୍ଦର, ଆମ ସ୍ୱାସ୍ଥ୍ୟ ପାଇଁ ମଧ୍ୟ ବେଶ୍‌ ଉପକାରୀ। ଗୋଲାପରେ ୯୫ ପ୍ରତିଶତ ଜଳ ରହିଛି। ଏଥିରେ ଅନେକ ପ୍ରକାର ଔଷଧୀୟ ଗୁଣ ଭରପୂର ହୋଇ ରହିଛି। ଗୋଲାପ ପାଖୁଡ଼ା ଖାଇବା ଦ୍ୱାରା ଚେହେରା ଉଜ୍ଜଳ ଦେଖା ଯିବା ସହ ଅନେକ ରୋଗରୁ ସୁରକ୍ଷା ମିଳିଥାଏ।

ଓଜନ ହ୍ରାସ କରେ: ଗୋଲାପରେ ଭିଟାମିନ୍-ସି ଓ ଆଣ୍ଟିଅକ୍ସିଟାଣ୍ଟ ରହିଛି। ଗୋଲାପ ପାଖୁଡ଼ାକୁ ପାଣି କିମ୍ୱା ମେଥି ସହ ପେଷ୍ଟ୍‌ କରି ଖାଇଲେ, ଏହା ଓଜନ ହ୍ରାସରେ ସାହାଯ୍ୟ କରିଥାଏ। ଏହାସହ ଗୋଲାପ ପାଖୁଡ଼ା ମେଟାବାଲିଜମ୍‌କୁ ବଢ଼ାଇବାରେ ମଧ୍ୟ ସହାୟକ ହୋଇଥାଏ।

ଚେହେରା ଉଜ୍ଜ୍ୱଳ କରେ: ଗୋଲାପ ପାଖୁଡ଼ାକୁ ପେଷ୍ଟ୍‌ କରି ତ୍ୱଚାରେ ଲଗାଇଲେ ଚେହେରା ଉଜ୍ଜ୍ୱଳ ଦେଖାଯାଇଥାଏ। ଏମିତିକି ଗୋଲାପ ପାଖୁଡ଼ାକୁ ଶୁଖାଇ ପାଣି ସହ ମୁଲତାନ ମାଟିରେ ମିଶାଇ ସପ୍ତାହକୁ ଥରେ ଲଗାନ୍ତୁ। ଏପରି କଲେ ଚେହେରା ଥିବା ଦାଗ ଚାଲି ଯାଇଥାଏ। ଏହାସହ ଗୋଲାପ ପାଖୁଡ଼ା ତ୍ୱଚାକୁ ସୁସ୍ଥ ରଖିବାରେ ମଧ୍ୟ ସହାୟକ ହୋଇଥାଏ।

ଅଳସୁଆମି ଦୂର କରେ: ଗରମ ପାଣିରେ ଗୋଲାପ ପାଖୁଡ଼ା ମିଶାଇ ପିଇଲେ, ଅଳସୁଆମି ଦୂର ହୁଏ। ସେହିପରି, ଶୋଇବା ସମୟରେ ମୁଣ୍ଡ ନିକଟରେ ଗୋଲାପ ରଖି ଶୋଇଲେ, ସମସ୍ତ ଚିନ୍ତା ଏବଂ ଅନିଦ୍ରା ମଧ୍ୟ ଦୂର ହୋଇଥାଏ।

ଓଠ ସୁନ୍ଦର ଦିଶେ: ଗୋଲାପ ଶରୀରକୁ ଥଣ୍ଡା ରଖିଥାଏ। ଏହା ଶରୀରକୁ ଡିହାଇଡ୍ରେସନ୍‌ରୁ ସୁରକ୍ଷା ସହ ପେଟକୁ ଥଣ୍ଡା ମଧ୍ୟ ରଖିଥାଏ। ଗୋଲାପ ପାଖୁଡ଼ା ଖାଇବା ଦ୍ୱାରା ଓଠ ସବୁବେଳେ ସତେଜ ଦେଖାଯାଏ। ଏହାସହ ଓଠ ଫାଟିବାରୁ ମଧ୍ୟ ସୁରକ୍ଷା ମିଳିଥାଏ।

ଆହୁରି ପଢ଼ନ୍ତୁ

ଗୀତ ଗାଇ ଲୋକଙ୍କ ହୃଦୟ ଚୋରି କରୁଛନ୍ତି ଶେହନାଜ୍

ନ୍ୟୁଜିଲାଣ୍ଡର ସାଂସଦ ହେଲେ ଭାରତୀୟ ବଂଶୋଦ୍ଭବ

ଦର୍ଶକଙ୍କୁ କିମିଆ କରୁଛି ନୋରାଙ୍କ ନୂଆ ଗୀତ

୯୦ ଦିନ ମଧ୍ୟରେ ପ୍ରଥମ ଥର ପାଇଁ କମିଛି କରୋନାର ଦୌରାତ୍ମ୍ୟ

ନବରାତ୍ରୀରେ ଘରେ ପ୍ରସ୍ତୁତ କରନ୍ତୁ ‘ବାଲୁସାହି’

ଏଥର ଦଶହରାରେ ନିଜକୁ ଦିଅନ୍ତୁ ଏକ ନୂଆ ଲୁକ୍

ଆକାଶମାର୍ଗରୁ ବନ୍ୟାଞ୍ଚଳ ପରିଦର୍ଶନ କଲେ ମୁଖ୍ୟମନ୍ତ୍ରୀ

ଉପମୁଖ୍ୟମନ୍ତ୍ରୀଙ୍କ ହ୍ୱାଟସଆପକୁ ଆସୁଛି ଅଶ୍ଳୀଳ ଭିଡିଓ

ଚାଲିଛି ମହାନବରାତ୍ରି: ଜାଣନ୍ତୁ ୯ ଦିନରେ କେଉଁଦିନ ମା’ଙ୍କର କେଉଁ ସ୍ୱରୂପକୁ ପୂଜା କରାଯାଏ

ପୁଲିସ୍‌ ଇନସପେକ୍ଟରଙ୍କୁ ଗୁଳି କରି ଆତଙ୍କୀଙ୍କ ହତ୍ୟା

ଇତିହାସ ରଚିଲେ ମହେନ୍ଦ୍ର ସିଂହ ଧୋନି

ଚାଇନାକୁ ଚେକ୍‌: ଭାରତୀୟ ନୌସେନାର ଯୁଦ୍ଧାଭ୍ୟାସରେ ସାମିଲ ହେବ ଅଷ୍ଟ୍ରେଲିଆ