ଅନେକ ଲୋକ ପଣସକଠା ତରକାରୀ ଖାଇବାକୁ ପସନ୍ଦ କରନ୍ତି। କିନ୍ତୁ ସବୁ ସମୟରେ ପଣସ ତରକାରୀ ଖାଇବା ସମସ୍ତଙ୍କ ଶରୀର ପାଇଁ ଭଲ ନୁହେଁ। ଅସମୟରେ ପଣସ ତରକାରୀ ଖାଇବା ଦ୍ୱାରା ଶରୀର ଉପରେ ଏହାର ଓଲଟା ପ୍ରଭାବ ପଡ଼ିଥାଏ। ଏହା ଆପଣଙ୍କ ଜୀବନ ପ୍ରତି ବିପଦ ମଧ୍ୟ ସୃଷ୍ଟି କରିଥାଏ। ତେଣୁ ଡାକ୍ତରମାନେ ମଧ୍ୟ କେତେକ ନିର୍ଦ୍ଦିଷ୍ଟ କ୍ଷେତ୍ରରେ ପଣସ ତରକାରୀ ଖାଇବାକୁ ମନା କରନ୍ତି। କେଉଁସବୁ ରୋଗ ହେଲେ ପଣସ ତରକାରୀ ଖାଇବା ଶରୀର ପାଇଁ କ୍ଷତିକାରକ ହୋଇଥାଏ, ଆସନ୍ତୁ ଜାଣିବା।
୧. ଯେଉଁମାନଙ୍କର ପାଚନକ୍ରିୟାଜନିତ ସମସ୍ୟା ରହିଛି, ସେମାନେ ପଣସ ଖାଇବାରୁ ଦୂରେଇ ରୁହନ୍ତୁ କିମ୍ବା କମ୍ ଖାଆନ୍ତୁ। କାରଣ ଏହା ସେମାନଙ୍କ ପାଚନକ୍ରିୟାରେ ସମସ୍ୟା ସୃଷ୍ଟି କରିଥାଏ।
୩. ଶରୀରରେ କୌଣସି ଅପରେସନ୍ କିମ୍ବା ସର୍ଜରୀ କରାଇବା ପରେ ପଣସ ଖାଆନ୍ତୁ ନାହିଁ। ବିଶେଷ୍ କରି ପେଟଜନିତ ରୋଗ ପାଇଁ ଅପରେସନ୍ କରାଇଥିଲେ ପଣସ ଆଦୌ ଖାଆନ୍ତୁ ନାହିଁ।
୪. ଖାଦ୍ୟ ଖାଇସାରିବା ପରେ ଯଦି ଆପଣଙ୍କର ପାନ ଖାଇବାର ଅଭ୍ୟାସ୍ ରହିଛି, ତେବେ ପଣସ ଖାଇବା ପରେ ସଙ୍ଗେ ସଙ୍ଗେ ପାନ ଖାଆନ୍ତୁ ନାହିଁ। ଯଦି ପାନ ଖାଇବେ ତେବେ ପଣସ ତରକାରୀ ଖାଆନ୍ତୁ ନାହିଁ। ସେହିଭଳି ପିତ୍ତଜନିତ ସମସ୍ୟା ଥିଲେ ପଣସ ଖାଇବାରୁ ଦୂରେଇ ରହନ୍ତୁ।