ସାଧାରଣତଃ କ୍ରୋଧ ନ କରିବାକୁ ଅବା ନ ରାଗିବାକୁ ପରାମର୍ଶ ଦିଆଯାଏ। ରାଗ ଶରୀର ପାଇଁ କ୍ଷତିକାରକ ବୋଲି କୁହାଯାଏ। ସେହିଭଳି ରାଗି ଯାଇ ଗାଳି କରୁଥିବା ବ୍ୟକ୍ତିଙ୍କୁ ଆମେ ଅସଭ୍ୟ ଓ ଖରାପ ଲୋକ ବୋଲି କହିଥାଉ। କିନ୍ତୁ ଜାଣିଛନ୍ତି ରାଗିକରି ଗାଳି କରୁଥିବା ଲୋକେ ଅଜାଣତରେ ନିଜ ଶରୀର ପାଇଁ ଅନେକ ଉପକାର ମଧ୍ୟ କରିପକାନ୍ତି। ଜାଣନ୍ତୁ ଗାଳି କଲେ ଶରୀରକୁ କ’ଣ ସବୁ ଫାଇଦା ମିଳେ।
- ଗାଳି ଦେବା ସମୟରେ ରାଗର ନକାରାତ୍ମକ ଶକ୍ତି ଶେଷ ହୋଇଯାଏ ଏବଂ ମାନସିକ ଚାପ ମଧ୍ୟ କମ୍ ହୋଇଯାଏ।
- ରାଗ ସମୟରେ ରକ୍ତ ଉପରେ ଅଧିକ ଚାପ ପଡ଼ିଥାଏ। ସେଥିପାଇଁ ନିଶ୍ୱାସ-ପ୍ରଶ୍ୱାସ ଜୋରରେ ଚାଲେ। ରାଗ ସମୟରେ ଗାଳି ଦେଲେ ଶରୀରରେ ରକ୍ତ ସଞ୍ଚାଳନ ସନ୍ତୁଳିତ ରହେ।
- ଗାଳି କରୁନଥିବା ବ୍ୟକ୍ତି ଠାରୁ ଗାଳି କରୁଥିବା ବ୍ୟକ୍ତି ଅଧିକ ଫୂର୍ତ୍ତି ଅନୁଭବ କରନ୍ତି। କାରଣ ଗାଳିଦେବା ଦ୍ୱାରା ଶରୀର ଭିତରେ ଥିବା ରାଗର ଚାପ ବାହାରି ଯାଏ ଓ ମୁଣ୍ଡ ଥଣ୍ଡା ରହେ।
- ରାଗ ସତ୍ତ୍ୱେ ଗାଳି ନକରି ଶାନ୍ତ ରହୁଥିବା ଲୋକଙ୍କ କ୍ଷେତ୍ରରେ ହୃଦ୍ଘାତର ସମ୍ଭାବନା ବଢିଯାଏ। କାରଣ ସେମାନଙ୍କ ରାଗର ନକାରାତ୍ମକ ଶକ୍ତି ଶରୀର ଭିତରେ ରହିଯାଏ।
- ନିଜକୁ ସୁସ୍ଥ ରଖିବାକୁ ଚାହୁଁଥିଲେ ରାଗ ଓ ମାନସିକ ଅଶାନ୍ତି ସମୟରେ ମନ ଖୋଲା କରି ଚିଲ୍ଲାଇ ଗାଳି ଦିଅନ୍ତୁ। ମନକୁ ସନ୍ତୋଷ ମିଳିବା ପର୍ଯ୍ୟନ୍ତ ଗାଳି କରନ୍ତୁ।