ଅଭିନେତ୍ରୀ ଶିଳ୍ପା ସେଟ୍ଟୀଙ୍କୁ ୪୦ ଟପିଲାଣି। ନିଜ ସ୍ଲିମ୍ ଫିଗର, ଚମକୁଥିବା ଚେହେରା ଓ ଫିଟ୍ନେସ୍ ପାଇଁ ସବୁବେଳେ ଚର୍ଚ୍ଚାରେ ଅଛନ୍ତି ଏହି ଚୁଲବୁଲି ଅଭିନେତ୍ରୀ।
ନିଜକୁ ଫିଟ୍ ରଖିବା ସେ ନିୟମିତ ଯୋଗାସନ ଓ ବ୍ୟାୟାମ ତ କରନ୍ତି, ତା’ ସାଙ୍ଗକୁ ଶୃଙ୍ଖଳିତ ଓ ପୁଷ୍ଟିକର ଡାଏଟିଂକୁ ଗୁରୁତ୍ୱ ଦିଅନ୍ତି।
ବୟସ ୪୩ ଓ ନିଜର ୬ବର୍ଷର ପୁଅ ଥାଇ ବି ଆସନ୍ତୁ ଜାଣିବା ଶିଳ୍ପାଙ୍କ ଡାଏଟିଂ ଚାର୍ଟ ସମ୍ପର୍କରେ।
୧- ଶିଳ୍ପାଙ୍କ ଦିନର ଖାଇବା ଆରମ୍ଭ ହୁଏ ଏକ ଗ୍ଲାସ୍ ଅଁଳା ଜୁସ୍ ଓ ଏକ ପ୍ଲେଟ୍ ପାଚିଲା ଅମୃତଭଣ୍ଡାରୁ। ଯାହା ଦ୍ୱାରା ପେଟ ସଫା ରହିବା ସହ ତ୍ୱଚା ବି ଚିକ୍କଣ ରୁହେ।
ଏହାର ଅଧଘଣ୍ଟା ପରେ ଶିଳ୍ପା ଚା’ ଓ ଦୁଇଟି ସିଝା ଅଣ୍ଡା ବା ଅଣ୍ଡା ଆମଲେଟ୍ ଖାଇଥାନ୍ତି। ବେଳେବେଳେ ଚା’ ବଦଳରେ ନଡ଼ିଆ ପାଣି ମଧ୍ୟ ପିଇଥାନ୍ତି।
୨- ଶିଳ୍ପା ମଧ୍ୟାହ୍ନ ଭୋଜନରେ ବ୍ରାଉନ୍ ରାଇସ୍, ଦୁଇଟି ରୁଟି, ଡାଲି, ମାଛ ଓ ବିଭିନ୍ନ ପରିବା ତରକାରି ସହ ଅଣ୍ଡା ଭୁଜିଆ ଖାଇଥାନ୍ତି।
୩- ମଧ୍ୟାହ୍ନ ଭୋଜନର ଘଣ୍ଟାରୁ ଦୁଇ ଘଣ୍ଟା ମଧ୍ୟରେ ଦହିରୁ ତିଆରି ଚହ୍ଲା ପିଇଥାନ୍ତି।
୪- ସନ୍ଧ୍ୟାରେ ଶିଳ୍ପା ବ୍ରାଉନ ସୁଗାରରେ ତିଆରି ଚା’, ଅଖରୋଟ୍ ଓ କାଜୁ ଖାଇଥାନ୍ତି।
୫- ରାତ୍ର ଭୋଜନରେ ଶିଳ୍ପା ସାଲାଡ୍ ଓ ସବୁଜ ପନିପରିବାର ତରକାରି ଖାଇବାକୁ ପସନ୍ଦ କରନ୍ତି।
ବେଳେ ବେଳେ ସେ ସୁପ୍ ପିଇବାକୁ ମଧ୍ୟ ଭଲ ପାଆନ୍ତି। ରାତିରେ ଶୋଇବା ପୁର୍ବରୁ ଏକ ଗ୍ଲାସ୍ କ୍ଷୀର ପିଅନ୍ତ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
