ତମ୍ୱା ପାତ୍ରରେ ଜଳ ରଖି ପିଇବା ସ୍ୱାସ୍ଥ୍ୟ ପାଇଁ ହିତକର। ଏହା ଶରୀରରେ ଥିବା ବିଷାକ୍ତ ପଦାର୍ଥକୁ ବାହାର କରିବାରେ ସହାୟକ ହୋଇଥାଏ। ତମ୍ବା ଧାତୁରେ ତିଆରି ପାତ୍ରରେ ପାଣି ପିଇବା ଦ୍ୱାରା ଶରୀରର ତିନିଟି ଦୋଷ- ବାତ, କଫ ଓ ପିତ୍ତ ସନ୍ତୁଳିତ ରହେ। ଆସନ୍ତୁ ଜାଣିବା ତମ୍ୱା ପାତ୍ରରେ ପାଣି ପିଇଲେ ଶରୀରକୁ କ’ଣ ସବୁ ଫାଇଦା ମିଳିଥାଏ।
- ଆୟୁର୍ବେଦ ଅନୁସାରେ ତମ୍ୱା ପାତ୍ରରେ ରଖାଯାଇଥିବା ପାଣି ପିଇଲେ ଅନେକ ରୋଗରୁ ମୁକ୍ତି ମିଳେ। ତମ୍ୱା ପାତ୍ରରେ ରହିଥିବା ଜଳକୁ ‘ତାମ୍ର ଜଳ’ ବୋଲି କୁହାଯାଏ। ୮ ଘଣ୍ଟା ଧରି ରଖିଥିବା ତମ୍ୱା ପାତ୍ରର ଜଳକୁ ପିଇଲେ ଶରୀରକୁ ଲାଭ ମିଳିଥାଏ।
- ତମ୍ୱା ପାତ୍ରରେ ରହିଥିବା ପାଣି ପିଇବା ଦ୍ୱାରା ଶରୀରରେ ଥିବା ବ୍ୟାକ୍ଟେରିଆ ନଷ୍ଟ ହୋଇଥାଏ । ଏହା ଜଳ ଜନିତ ରୋଗ ଯେପରିକି ଡାଇରିଆ, କାମଳ,ଓ ଝାଡାବାନ୍ତିରୁ ରକ୍ଷା କରିବାରେ ସହାୟକ ହୋଇଥାଏ।
- ତମ୍ୱା ପାତ୍ରରେ ରଖାଯାଇଥିବା ପାଣି ପିଇଲେ ଶରୀରର ଥାଇରକ୍ସିନ ନାମକ ହର୍ମନ୍ ନିୟନ୍ତ୍ରଣରେ ରହିଥାଏ ଯାହା ଆଣ୍ଠୁଗଣ୍ଠିର କାର୍ଯ୍ୟପ୍ରଣାଳୀକୁ ସଠିକ ରଖେ। ତେଣୁ ଆଣ୍ଠୁଗଣ୍ଠି ଜନିତ ଅନେକ ସମସ୍ୟାରୁ ମୁକ୍ତି ମିଳିଥାଏ।
ରାତିରେ ତମ୍ୱାପାତ୍ରରେ ପାଣି ରଖି ସକାଳେ ପିଇଲେ ତ୍ୱଚା ସୁନ୍ଦର ରହେ। ତମ୍ୱା ଶରୀରରେ ନୂତନ ସେଲ୍ ବା କୋଷିକା ନିର୍ମାଣ କରିବାରେ ସାହାଯ୍ୟ କରିଥାଏ।- ଏସିଡିଟି,କୋଷ୍ଠକାଠିନ୍ୟ ଓ ଗ୍ୟାସ୍ ପରି ପେଟ ଜନିତ ସମସ୍ୟା ପାଇଁ ତମ୍ୱା ପାତ୍ରରେ ପାଣି ପିଇବା ଅମୃତ ସମାନ ହୋଇଥାଏ। ଏହାଦ୍ୱାରା ପାଚନ ସମ୍ବନ୍ଧୀୟ ସମସ୍ୟା ଦୂର ହୋଇଥାଏ।
- ତମ୍ୱାରେ ଆଣ୍ଟି ଅକ୍ସାଇଡ ଓ ନୂତନ କୋଷିକା ତିଆରି କରିବା ଗୁଣ ରହିଥିବା କାରଣରୁ ମୁଁହର ଭାଙ୍ଗପଣ ଦୂର ହୋଇଥାଏ।
- ତମ୍ବା ପାତ୍ରରେ ପାଣି ପିଇଲେ ଶରୀରରେ ରକ୍ତର ଅଭାବ ପୂରଣ ହୋଇଥାଏ ।
- ଓଜନ ବଢ଼ିଯାଉଥିଲେ ତମ୍ୱାପାତ୍ରରେ ଜଳ ପିଅନ୍ତୁ। ଏହା ଶରୀରର ଅତିରିକ୍ତ ଚର୍ବିକୁ ନଷ୍ଟ କରିବାରେ ସାହାଯ୍ୟ କରିଥାଏ।
- ତାମ୍ର ଜଳରେ ଆଣ୍ଟି-ଅକ୍ସାଇଡ ଗୁଣ ରହିଛି ଯାହା କ୍ୟାନସର ପରି ଭୟାନକ ରୋଗ ସହ ଲଢ଼ିବାରେ ସହାୟକ ହୋଇଥାଏ।
- ତମ୍ୱାରେ ଆଣ୍ଟି ବ୍ୟାକ୍ଟେରିଆଲ, ଆଣ୍ଟି ଭାଇରାଲ ଓ ଆଣ୍ଟି ଇମ୍ଫଲେମେଟରୀ ଗୁଣ ରହିଛି ଯାହା ଶରୀରରେ କ୍ଷତକୁ ଶୀଘ୍ର ଶୁଖାଇ ଦିଏ।
- ତମ୍ବା ପାତ୍ରରେ ପାଣି ପିଇବା ଦ୍ୱାରା କୋଲେଷ୍ଟ୍ରୋଲ ସ୍ତରକୁ ନିୟନ୍ତ୍ରଣରେ ରହେ ଏବଂ ହୃଦରୋଗର ଆଶଙ୍କାକୁ କମ୍ କରିଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
