ନୂଆଦିଲ୍ଲୀ: ଦେଶର ସମସ୍ତ ଜେଲରେ ସିସିଟିଭି କ୍ୟାମେରା ଲଗାଯିବା ବାଧ୍ୟତାମୂଳକ ବୋଲି ଏକ ଗୁରୁତ୍ୱପୂର୍ଣ୍ଣ ରାୟ ଆଜି ସୁପ୍ରିମକୋର୍ଟ ଦେଇଛନ୍ତି। ଏଥିସହ ଆବଶ୍ୟକ ପଡ଼ିଲେ ଅଘଟଣ ଘଟୁଥିବା ହାଜତଗୁଡ଼ିକରେ ମଧ୍ୟ ଏହି ବ୍ୟବସ୍ଥା କରିବାକୁ କୋର୍ଟ ତାଙ୍କ ନିର୍ଦ୍ଦାଶକରେ କହିଛନ୍ତି । ସବୁ ଜେଲରେ ବର୍ଷେ କିମ୍ୱା ଅତିବେଶୀରେ ୨ବର୍ଷ ମଧ୍ୟରେ ଏହି ସିସିଟିଭି କ୍ୟାମେରା ଲଗାଇବାକୁ କୋର୍ଟ କହିଛନ୍ତି। ଜେଲ୍ ଏବଂ ହାଜତଗୁଡ଼ିକୁ ହିଂସାମୁକ୍ତ କରିବା ଉଦ୍ଦେଶ୍ୟରେ ଦିଲ୍ଲୀପ କେ. ବାସୁ. ନାମକ ଜଣେ ଆବେଦନକାରୀଙ୍କ ପକ୍ଷରୁ ଦାଏର ଏକ ଜନସ୍ୱାର୍ଥ ମାମଲାର ଶୁଣାଣି କରି ଜଷ୍ଟିସ ଟି.ଏସ୍. ଠାକୁର ଏବଂ ଜଷ୍ଟିସ୍ ଆର୍. ଭାନୁମଥୀଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏହି ରାୟ ଦେଇଛନ୍ତି। ଏହାଛଡ଼ା ସମସ୍ତ ଥାନାରେ ଅତିକମରେ ୨ଜଣ ମହିଳା କନଷ୍ଟେବଳ ନିଯୁକ୍ତି ଦେବାକୁ ମଧ୍ୟ ଖଣ୍ଡପୀଠ ନିର୍ଦ୍ଦେଶରେ ଦର୍ଶାଇଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
