ନୂଆଦିଲ୍ଲୀ: ଏକ ସ୍କୁଲ୍ ବସ୍ ଦୁର୍ଘଟଣାଗ୍ରସ୍ତ ହେବାରୁ ୧୨ ଜଣ ଛାତ୍ରଛାତ୍ରୀ ଆହତ ହୋଇଛନ୍ତି। ବସ୍ର ଡ୍ରାଇଭର ଓ ଅନ୍ୟ ଜଣେ କର୍ମଚାରୀଙ୍କ ଅବସ୍ଥା ଗୁରୁତର ରହିଛି। ଘଟଣାଟି ଘଟିଛି ଦିଲ୍ଲୀ ନିକଟସ୍ଥ ନୋଏଡ଼ାର ଏକ ବ୍ୟସ୍ତବହୁଳ ଅଞ୍ଚଳରେ।
ଦୁର୍ଘଟଣାଗ୍ରସ୍ତ ବସ୍ଟିରେ ୩୦ରୁ ଅଧିକ ଛାତ୍ରଛାତ୍ରୀ ଥିଲେ। ନୋଏଡ଼ାର ସେକ୍ଟର ୧୬ ସ୍ଥିତ ଏକ ଅଣ୍ଡରପାସ୍ରେ ବସ୍ଟି ଦୁର୍ଘଟଣାଗ୍ରସ୍ତ ହୋଇଥିଲା। ବସ୍ଟି ଏକ ଡିଭାଇଡରରେ ପିଟି ହୋଇଥିଲା। ବସ୍ଟି ଏତେ ଜୋରରେ ପିଟି ହୋଇଥିଲା ଯେ ଏହାର ସମ୍ମୁଖ ଭାଗ ପୂରା ନଷ୍ଟ ହୋଇଯାଇଛି।
ସମସ୍ତ ଆହତଙ୍କୁ ନିକଟସ୍ଥ ଏକ ଘରୋଇ ହସ୍ପିଟାଲ୍ରେ ଭର୍ତ୍ତି କରାଯାଇଛି।