ନୂଆଦିଲ୍ଲୀ: ଖବର କାଗଜ ଏବଂ କିଛି ଏ-୪ ସାଇଜ ପେପର ସାହାଯ୍ୟରେ ଜଣେ ୧୨ ବର୍ଷର ବାଳକ କାଗଜରେ ଟ୍ରେନ ତିଆରି କରିଛି। ସୋଶାଲ ମିଡିଆରେ ଏହି ବାଳକକୁ ପ୍ରଶଂସାର ସୁଅ ଛୁଟିଛି। ଯାହାକୁ ରେଳ ମନ୍ତ୍ରଳାୟ ମଧ୍ୟ ଟୁଇଟ୍ କରି ପ୍ରଶଂସା କରିଛି। ମାତ୍ର ତିନି ଦିନରେ କେରଳର ଏହି ବାଳକ କାଗଜରେ ଟ୍ରେନ୍ ତିଆରି କରିଥିବା ସୂଚନା ରହିଛି।
https://twitter.com/RailMinIndia/status/1275982710708637696
ଏହି ୧୨ ବର୍ଷର ପିଲାର ନାମ ଆଡଓ୍ୱିଥ୍ କ୍ରିଷ୍ଣା। ଘର କେରଳର ଥ୍ରୀସୁର। ମୋଟ୍ ୩୩ଟି ପୁରୁଣା ଖବର କାଗଜ ଏବଂ ୧୦ଟି ଏ-୪ ସାଇଜ ପେପରକୁ ବ୍ୟବହାର କରି ତିନି ଦିନରେ ଟ୍ରେନର ନକଲ ତିଆରି କରିଛି ଏହି ବାଳକ। କ୍ରିଷ୍ନା ଟ୍ରେନ ତିଆରି କରୁଥିବାର ଭିଡିଓ ମଧ୍ୟ ରେଳ ମନ୍ତ୍ରଳାୟ କରିଥିବା ଟୁଇଟ କରି ସେୟାର କରିଛି। ସୋଶାଲ ମିଡିଆରେ କ୍ରିଷ୍ଣାର ଏହି ଉଦ୍ୟମକୁ ସମସ୍ତେ ପ୍ରଶଂସା କରିଛନ୍ତି।
କ୍ରିଷ୍ନା ଏବେ ଚେରପୁ ସ୍ଥିତ ସିଏନଏନ ବଏଜ ହାଇ ସ୍କୁଲରେ ପାଠ ପଢ଼ୁଛି। ତାଙ୍କ ବାପା ଜଣେ ଶିଳ୍ପୀ କାରିଗର।