ଜମ୍ମୁ: ପାକିସ୍ତାନ ପଟୁ ଆଜି ପୁଣିଥରେ ଅସ୍ତ୍ରବିରତି ଉଲ୍ଲଂଘନ ହୋଇଛି। କଶ୍ମୀରର ରଜୋରୀ ଜିଲ୍ଲାରେ ଥିବା ମଞ୍ଜକୋଟ ସେକ୍ଟରରେ ପାକିସ୍ତାନ ପଟୁ ଅସ୍ତ୍ରବିରତି ଉଲ୍ଲଂଘନ ହୋଇଛି। ଏଥିରେ ଜଣେ ଝିଅ ସମେତ ଦୁଇ ଜଣ ଆହତ ହୋଇଛନ୍ତି। ତେବେ ତିନୋଟି ଘର କ୍ଷତିଗ୍ରସ୍ତ ହୋଇଛି। ଆହତଙ୍କୁ ପୁଲିସ ହସ୍ପିଟାଲରେ ଭର୍ତ୍ତି କରାଇଛି।
ଏବେ ଉଭୟପଟୁ ଗୁଳି ବିନିମୟ ଚାଲିଥିବା ସୂଚନା ରହିଛି। ଜାତୀୟ ଗଣମାଧ୍ୟମ ସଂସ୍ଥା ନ୍ୟୁଜ ୧୮ ଇଣ୍ଡିଆରେ ଏକ ରିପୋର୍ଟ ଅନୁଯାୟୀ ପାକିସ୍ତାନର ଆତଙ୍କବାଦୀ ସଂଗଠନ ଜୌଶ-ଏ-ମହମ୍ମଦର ଅନେକ ଆତଙ୍କବାଦୀ କରୋନାରେ ସଂକ୍ରମିତ ହୋଇଛନ୍ତି। ତେଣୁ ଆତଙ୍କବାଦୀ ମାନେ ଏବେ ସୀମାରେ ଅନୁପ୍ରବେଶ କରି ଭାରତରେ ପଶିବାକୁ ଉଦ୍ୟମ କରୁଛନ୍ତି ବୋଲି ଜଣାପଡ଼ିଛି।