ମୁମ୍ୱାଇ: ଆଜି ସକାଳେ ପ୍ରବାସୀଙ୍କୁ ନେଇ ଯାଉଥିବା ଏକ ବସ ଦୁର୍ଘଟଣାର ଶିକାର ହୋଇଛି। ବସଟି ଡମ୍ପରକୁ ପଛପଟୁ ଧକ୍କା ଦେବାରୁ ଘଟଣାସ୍ଥଳରେ ୪ ଜଣଙ୍କର ମୃତ୍ୟୁ ଘଟିଛି ୨୨ରୁ ଅଧିକ ଆହତ ହୋଇଥିବା ଜଣାପଡ଼ିଛି। ମହାରାଷ୍ଟ୍ରର ୟଭତମଲରେ ଏହି ଦୁର୍ଘଟଣା ଘଟିଛି। ବସଟି ସୋଲାପୁରରୁ ଝାଡ଼ଖଣ୍ଡ ଯାଉଥିଲା। ଭାରସାମ୍ୟ ହରାଇ କିମ୍ୱା ବସ ଡ୍ରାଇଭରଙ୍କ ଆଖି ଲାଗିଯାଇଥିବାରୁ ଏହି ଦୁର୍ଘଟଣା ଘଟିଛି ବୋଲି ଆକଳନ କରାଯାଉଛି।
https://twitter.com/ANI/status/1262572659650355200
ଦୁର୍ଘଟଣା ଖବର ପାଇବା ପରେ ଘଟଣାସ୍ଥଳରେ ପୁଲିସ ଓ ଉଦ୍ଧାରକାରୀ ଟିମ୍ ପହଞ୍ଚି ଲୋକଙ୍କୁ ଉଦ୍ଧାର କରାଯାଇଛି। ୨୨ ଆହତଙ୍କ ମଧ୍ୟରୁ କିଛି ଗୁରୁତର ରହିଛନ୍ତି। ବସ ଓ ଡମ୍ପର ମଧ୍ୟରେ ଏଭଳି ଧକ୍କା ହୋଇଛି ଯେ ବସଟିର ଆଗ ପଟ ସମ୍ପୂର୍ଣ ନଷ୍ଟ ହୋଇଯାଇଛି। ଡମ୍ପର ଭିତରେ ଥିବା ସମସ୍ତ ଲୋକ ଆହତ ହୋଇଛନ୍ତି। ସମସ୍ତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି।