ଚେନ୍ନାଇ: ଦେଶରେ ସାଂଘାତିକ ହେଉଛି କରୋନା। ମହାରାଷ୍ଟ୍ର, ଗୁଜରାଟ ପରେ ଏବେ ତାମିଲନାଡୁ କରୋନାର ହଟସ୍ପଟ ପାଲଟିଛି। ରବିବାର ଗୋଟିଏ ଦିନରେ ୬୩୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ନୂଆ ଆକ୍ରାନ୍ତଙ୍କୁ ମିଶାଇଲେ ରାଜ୍ୟରେ ୧୧,୨୨୪ ଜଣ ଆକ୍ରାନ୍ତ କରୋନାରେ ସଂକ୍ରମିତ ହୋଇଛନ୍ତି। ଏବେ ୬,୯୭୧ ଜଣ ଚିକିତ୍ସାଧୀନ ରହିଛନ୍ତି।
ତେବେ ଆଜି ଗୋଟିଏ ଦିନରେ ୬୩୪ ଆକ୍ରାନ୍ତ ହସ୍ପିଟାଲରୁ ଡିସଚାର୍ଜ ହୋଇଛନ୍ତି। ଯାହାକି ରାଜ୍ୟ ପାଇଁ ଆଶ୍ୱସ୍ତିକର ଖବର। ମୋଟ୍ ଉପରେ ୪,୧୭୨ ଜଣ ହସ୍ପିଟାଲରୁ ଡିସଚାର୍ଜ ହୋଇଥିବା ସୂଚନା ରହିଛି। ସେହିପରି ୪ ଜଣ ଆଜି କରୋନାରେ ମୃତ୍ୟୁ ବରଣ କରିଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍ ୭୮ ଜଣ କରୋନାରେ ମୃତ୍ୟୁ ବରଣ କରିଛନ୍ତି।
ତାମିଲନାଡୁ ସରକାରଙ୍କ ସୂଚନା ଅନୁଯାୟୀ, ୩.୨୬ ଲକ୍ଷ ଲୋକଙ୍କ ମଧ୍ୟରେ ୧୩,୦୮୧ ଜଣଙ୍କର କରୋନା ପରୀକ୍ଷା ହୋଇଛି। ଆକ୍ରାନ୍ତଙ୍କ ସଂଖ୍ୟା ମଧ୍ୟରୁ ସର୍ବାଧିକ ରାଜଧାନୀ ଚେନ୍ନାଇରୁ ରହିଛନ୍ତି। ୬,୭୫୦ ଆକ୍ରାନ୍ତଙ୍କ ମଧ୍ୟରୁ ୪୮୦ ଆକ୍ରାନ୍ତ ଚେନ୍ନାଇର।