ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଦୁର୍ଗା ପୂଜା ପୂର୍ବରୁ ସରକାରୀ କର୍ମଚାରୀଙ୍କୁ ମିଳିଲା ଖୁସି ଖବର। ଦୀର୍ଘ ଦିନର ଅପେକ୍ଷା ପରେ ଆଜି ରାଜ୍ୟ ସରକାର ସପ୍ତମ ବେତନ କମିଶନ ଲାଗୁ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। ସପ୍ଟେମ୍ୱର ୧ ତାରିଖରୁ ଏହି ନୂଆ ଦରମା ମିଳିବ। ଉପକୃତ ହେବେ ୪.୫ଲକ୍ଷ ସରକାରୀ କର୍ମଚାରୀ । ସେହିପରି ୩.୫ ଲକ୍ଷ ପେନସନ ଭୋଗୀ ଉପକୃତ ହେବେ । ସପ୍ତମ ବେତନ କମିଶନ ଲାଗୁ ନେଇ ପୂର୍ବରୁ ଅର୍ଥମନ୍ତ୍ରୀ ଶଶିଭୂଷଣ ବେହେରା କିଛି କହି ନଥିବା ବେଳେ ଖୁବ୍‌ଶୀଘ୍ର ସପ୍ତମ ବେତନ ଲାଗୁ ନେଇ ଇସାରା ଦେଇଥିଲେ। ହେଲେ ସପ୍ତମ ବେତନ କମିଶନ ଲାଗୁ ହେଲେ ରାଜ୍ୟ ରାଜକୋଷ ଉପରେ ୪୫୦୦କୋଟିର ବୋଝ ପଡ଼ିବ ।</p> <p>ସପ୍ତମ ବେତନ କମିଶନ ଲାଗୁ ପାଇଁ ଫିଟ୍‌ମେଣ୍ଟ କମିଟି ଗତ ଜୁନ୍‌ରୁ ରାଜ୍ୟ ସରକାରଙ୍କ ପାଖରେ ରିପୋର୍ଟ ଦେଇସାରିଥିଲେ। ଏଥିପାଇଁ ବାର୍ଷିକ ୪,୫୦୦ କୋଟିର ଆର୍ଥିକ ବୋଝ ପଡୁଥିବାରୁ ରାଜ୍ୟ ସରକାର କୌଣସି ନିଷ୍ପତ୍ତି ନେଇପାରୁ ନ ଥିଲେ। ଅନ୍ୟପକ୍ଷରେ ୨୦୧୬ ଜାନୁଆରୀରୁ କେନ୍ଦ୍ର ସରକାର ସପ୍ତମ ବେତନ କମିଶନଙ୍କ ସୁପାରିଶ୍ ଲାଗୁ କରିସାରିଥିବାରୁ ରାଜ୍ୟ ସରକାରଙ୍କ ଉପରେ ଏଥିପାଇଁ ଚାପ ବଢୁଥିଲା। ଏପରିକି ବରୋଧୀ ମଧ୍ୟ ସରକାରଙ୍କୁ ସମାଲୋଚନା କରିବାକୁ ପଛାଇ ନ ଥିଲେ। ଅନ୍ୟପକ୍ଷରେ ଚଳିତ ବଜେଟରେ ରାଜ୍ୟ ସରକାର ପ୍ରଶାସନିକ ଖର୍ଚ୍ଚ ବାବଦରେ ୪୭,୪୬୬ କୋଟି ଟଙ୍କା ବ୍ୟୟବରାଦ କରିଥିଲେ। ଏଥିରେ କର୍ମଚାରୀଙ୍କ ଦରମା ବାବଦରେ ୨୨,୦୦୦ କୋଟି ଓ ପେନସନ ବାବଦରେ ୧୧,୩୧୩ କୋଟି ଟଙ୍କା ବ୍ୟୟ କରାଯିବାର ଥିଲା।</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
