ଭୋପାଳ: ମଧ୍ୟପ୍ରଦେଶର ଭୋପାଳରେ ଆଜି ଏକ ବଡ଼ ଦୁର୍ଘଟଣାରୁ ବର୍ତ୍ତିଯାଇଛନ୍ତି ଆଇପିଏସ ଅଧିକାରୀ। ବଡ୍ଡି ଝିଲ ନଦୀରେ ଆଇପିଏସ ମିଟ୍ ଓ୍ୱାଟର ସ୍ପୋର୍ଟସ ଇଭେଣ୍ଟ ବେଳେ ଏକ ନୌକା ଓଲଟି ପଡ଼ିଥିଲା। ଏହି ନୌକାରେ ଆଇପିଏସ ଅଫିସରଙ୍କ ସହିତ ତାଙ୍କ ପରିବାର ଲୋକ ଥିଲେ। ମୋଟ୍ ୮ ଜଣ ନୌକାରେ ଥିଲେ। ଘଟଣାସ୍ଥଳରେ ସୁରକ୍ଷାକର୍ମୀ ଥିବାରୁ କୌଣସି ଅଘଟଣ ଘଟିନଥିଲା।
ଓଲଟି ପଡ଼ିଥିବା ନୌକାରେ ମଧ୍ୟପ୍ରଦେଶ ଡିଜିପି ବିଜୟ କୁମାର ସିଂହ ଏବଂ ତାଙ୍କ ସ୍ତ୍ରୀ ମଧ୍ୟ ଉପସ୍ଥିତ ଥିଲେ। ଏଡିଜି ବିଜୟ କଟାରିଆ କହିଛନ୍ତି, ନୌକାରେ ବସିଥିବା ସମସ୍ତ ବ୍ୟକ୍ତି ଲାଇଫ୍ ଜାକେଟ ପିନ୍ଧିଥିଲେ। ଏଥିପାଇଁ କୌଣସି ଅଘଟଣ ଘଟିନଥିଲା। ପ୍ରତିବର୍ଷ ଆଇଏଏସ ଓ ଆଇପିଏସ ମିଟ୍ ହୁଏ। ତେଣୁ ଚଳିତଥର ମଧ୍ୟ ଏହି କାର୍ଯ୍ୟକ୍ରମ ହୋଇଥିଲା।
https://twitter.com/ANI/status/1230411798257360897
ଆଇପିଏସ ଅଧିକାରୀଙ୍କ ସହିତ ତାଙ୍କ ସ୍ତ୍ରୀମାନେ ମଧ୍ୟ ଥିଲେ। ନୌକାଟି ଓଲଟି ପଡ଼ିବା ପରେ ରେସକ୍ୟୁ ଅପରେସନ କରାଯାଇ ସମସ୍ତଙ୍କୁ ସୁରକ୍ଷିତ ଉଦ୍ଧାର କରାଯାଇଛି। ନୌକାରେ ବସିଥିବା ସମସ୍ତ ଯାତ୍ରୀ ଲାଇଫ୍ ଜାକେଟ ପିନ୍ଧିଥିବାରୁ କୌଣସି ଅଘଟଣ ଘଟିନଥିଲା।