ନୂଆଦିଲ୍ଲୀ : ସୋଶାଲ ମିଡିଆରେ କାର୍ ଦୁର୍ଘଟଣାର ଏକ ଭିଡିଓ ଭାଇରାଲ୍ ହେଉଛି, ଯାହାକୁ ଦେଖିବା ପରେ ଯେ କେହି ବି ଆଶ୍ଚର୍ଯ୍ୟ ହୋଇଯିବେ। ୧୩ ସେକେଣ୍ଡର ଏହି ଭିଡିଓରେ ଦେଖିବାକୁ ମିଳିଛି ଯେ ଜଣେ ଦମ୍ପତି ତାଙ୍କ ଛୋଟ ଛୁଆକୁ ଧରି ଟ୍ରାଫିକ ଛକ ରାସ୍ତା ଏପାଖରୁ ସେପାଖରୁ ଯାଉଛନ୍ତି। ଠିକ୍ ଏହି ସମୟରେ ସାମ୍ନାପଟୁ ଗୋଟିଏ କାର୍ ତାଙ୍କ ଆଡ଼କୁ ମାଡ଼ି ଆସୁଛି। ଆଉ ଗୋଟିଏ ଜିପ୍ ଅତ୍ୟନ୍ତ ଦ୍ରୁତ ଗତିରେ ସେମାନଙ୍କ ଆଡ଼କୁ ମାଡ଼ି ଆସି ସେମାନଙ୍କୁ ଧକ୍କା ଦେବା ଆଗରୁ ଏକ ଚେଭୋର୍ଲେଟ୍ କ୍ରୁଜ୍ କାର୍ ଜିପ୍କୁ ଧକ୍କା ଦେଉଛି। ଦୁର୍ଘଟଣାଟି ଏତେ ଭୟଙ୍କର ଥିଲା ଯେ କାର୍ ଓ ଜିପ୍ ଦୁଇଟି ଧକ୍କା ହୋଇ ଛିଟ୍କି ପଡ଼ିଥିବା ଦେଖିବାକୁ ମିଳିଛି।
କିନ୍ତୁ ସବୁଠାରୁ ବଡ଼ କଥା ହେଉଛି, ଏହି ଦୁର୍ଘଟଣାରେ ଉକ୍ତ ଦମ୍ପତି ଓ ତାଙ୍କ ଛୋଟ ଛୁଆକୁ ଟିକେ ହେଲେ ବି ଆଘାତ ଲାଗାନାହିଁ। ଓଲଟା ଦୁର୍ଘଟଣା ପରେ ସେମାନେ ନିରାପଦ ଭାବରେ ରାସ୍ତା ପାର୍ କରିଯାଉଛନ୍ତି।
ଏହି ଦୁର୍ଘଟଣାଟି ମଙ୍ଗଳବାର ଫୋନିକ୍ସ, ଆରିଜୋନାରେ ଘଟିଛି। ପୁଲିସର କହିବା ଅନୁସାରେ ଏହି ଦୁର୍ଘଟଣାର ଏକ ଭିଡିଓ ଫୁଟେଜ୍ ଜାରି କରାଯାଇଛି। ଯେଉଁଥିରେ ଜିପ୍କୁ ଧକ୍କା ଦେଇଥିବା ଚେଭୋର୍ଲେଟ୍ କ୍ରୁଜ୍ ଗାଡ଼ିର ଡ୍ରାଇଭରକୁ ପ୍ରଶଂସା କରି ଭଗବାନ ବୋଲି କୁହାଯାଉଛି। ଯାହାଙ୍କ ପାଇଁ ପୂରା ପରିବାର ମରଣ ମୁହଁରୁ ରକ୍ଷା ପାଇଛନ୍ତି।
ଏହି ଭିଡିଓକୁ ଫୋନିକ୍ସ ପୁଲିସ ଡିପାର୍ଟମେଣ୍ଟ ତାଙ୍କ ଟ୍ୱିଟର୍ ଓ ଫେସବୁକ୍ ପେଜ୍ରେ ଶେଆର୍ ମଧ୍ୟ କରିଛନ୍ତି। ଏହା ସହିତ ଦୁର୍ଘଟଣାର ସମ୍ମୁଖୀନ ହୋଇଥିବା ପରିବାରର ତିନିଜଣଙ୍କ ଜୀବନ ରକ୍ଷା କରିଥିବା ଡ୍ରାଇଭର୍ଙ୍କୁ ଧନ୍ୟବାଦ ଜଣାଇଛନ୍ତି। ସୂଚନାଯୋଗ୍ୟ, ୨୮ ବର୍ଷୀୟ ଜିପ୍ ଚାଳକଙ୍କୁ ଗିରଫ କରାଯାଇଛି।
ଦେଖନ୍ତୁ ଭିଡିଓ :
https://www.facebook.com/phoenixazpolice/videos/1368164593340876/
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
